Italjanskija vytvorcy modnaha adzieńnia hatovyja da aktyŭnaha supracoŭnictva ź biełaruskim bokam. Pra heta paviedamiŭ siońnia žurnalistam sakratar Italjanskaj kanfiederacyi pramysłovych pradpryjemstvaŭ Piezara-Urbina Marena Bardoni.
«My bačym mahčymaści ŭzajemadziejańnia biełaruskich i italjanskich dyzajnieraŭ, to bok stvareńnia kaalicyi dla sumiesnaj vytvorčaści», — skazaŭ Marena Bardoni.
Pačynajučy z nastupnaha hoda biełaruskija dyzajniery buduć udzielničać u modnym pakazie ŭ horadzie Piezara. «Heta značyć, my budziem pryvozić biełaruski pradukt u nadziei, što heta pasłužyć šturškom da stvareńnia sumiesnaj vytvorčaści», — padkreśliŭ jon.
«Viedaju, što ŭ Biełarusi isnuje svoj padychod da apracoŭki tekstylu i skur. Heta tradycyja vytvorčaści, i my jaje vielmi pavažajem. Było b dobra sumiaścić našu italjanskuju tradycyju ź biełaruskaj, kab stvaryć niešta novaje. Padobnyja inicyjatyvy spryjajuć abmienu dośviedam i ŭzbahačeńniu kožnaha z bakoŭ», — adznačyŭ pasoł Italii ŭ Biełarusi Stefana Bjanki.
«My ličym, što dziakujučy viedam i pieradačy technałohij biełaruski rynak moža stvaryć svaju, admietnuju ad inšych, tradycyju i stać kankurentazdolnym na suśvietnym rynku», — dadaŭ jon.
Va Ukrainie zahinuła 24-hadovaja biełaruskaja dobraachvotnica Maryja Zajcava15
Kamientary