U siužetach šerahu rasiejskich telekanałaŭ, pryśviečanych naradzie ŭ prezidenta Rasii pa abaronnaj tematycy, byli prademanstravany zasakrečanyja da hetaha času sistemy ŭzbrajeńniaŭ.
Hetuju infarmacyju paćvierdziŭ pres-sakratar prezidenta Dźmitryj Piaskoŭ, pieradaje rasijski «Interfaks».
«Sapraŭdy, tam niekatoryja sakretnyja dadzienyja patrapili ŭ abjektyŭ kamiery, tamu jany paśla byli vydalenyja. Spadziajemsia, što takoha bolš nie paŭtorycca», — skazaŭ Piaskoŭ žurnalistam, tłumačačy, čamu hetyja kadry paśla źnikli ź siužetaŭ telekanałaŭ.
Na pytańnie, ci ź'vilisia ŭśled niejkija arhvysnovy ŭ suviazi z takoj uciečkaj infarmacyi, Piaskoŭ skazaŭ: «Pakul mnie nieviadoma pra niejkija miery, ale ŭ dalejšym my, biezumoŭna, vykanajem previentyŭnyja miery, kab hetaha bolš nie zdaryłasia».
Jak viadoma, kadry ź ilustracyjaj nahladnych materyjałaŭ pa prahramie «Status-6», pryznačanaj dla naniasieńnia «harantavana nieprymalnaj škody» z radyjeaktyŭnym zaražeńniem, trapili ŭ efir centralnych kanałaŭ 9 listapada.
Pryncyp dziejańnia i typ pryłady pa vyjavie vyznačyć ciažka — heta moža być jak tarpieda ź jadziernaj bojehałoŭkaj, tak i bieśpiłotny padvodny aparat, piša SLON.
U jakaści nośbita «Status-6» vyznačany atamnyja krejsiery, jakija, jak paviedamlałasia, buduć vykarystoŭvacca dla zapusku robataŭ-bieśpiłotnikaŭ.
Ciapier čytajuć
Palčys, Andrejeva, Łojka i inšyja imiony — paśla vizitu amierykanskich dypłamataŭ u Minsk vyzvalili 250 palitviaźniaŭ15
Kamientary