Valutnyja pastupleńni Biełarusi ŭ studzieni—kastryčniku skłali 27,66 młrd. dołaraŭ ZŠA i źnizilisia na 9 młrd. dołaraŭ u paraŭnańni z anałahičnym pieryjadam minułaha hoda, śviedčać źviestki Nacyjanalnaha banka.
Valutnyja pastupleńni Biełarusi ŭ studzieni—kastryčniku skaracilisia na 24,6% u paraŭnańni z anałahičnym pieryjadam minułaha hoda.
Źnižeńnie valutnaj vyručki Biełarusi abumoŭlenaje padzieńniem pastupleńniaŭ ad ekspartu tavaraŭ. Za studzień—kastryčnik vyručka ad ekspartu tavaraŭ skłała 22 młrd. dołaraŭ i skaraciłasia na 7,6 młrd. dołaraŭ, ci na 25,7% u paraŭnańni z anałahičnym pieryjadam minułaha hoda.
Valutnyja pastupleńni ad ekspartu pasłuh u studzieni—kastryčniku skłalisia na ŭzroŭni 5 młrd. dołaraŭ i źnizilisia ŭ paraŭnańni z anałahičnym pieryjadam minułaha hoda na 900 młn. dołaraŭ, ci na 15,3%.
Značnaje skaračeńnie ekspartnaj vyručki Biełarusi ekanamisty tłumačać źnižeńniem popytu ŭ Rasii na tavary biełaruskaj vytvorčaści.
Pavodle źviestak za studzień—kastryčnik, valutnyja pastupleńni Biełarusi z Rasii skłali 10,6 młrd. dołaraŭ i skaracilisia ŭ paraŭnańni z anałahičnym pieryjadam minułaha hoda na 4,6 młrd. dołaraŭ, ci na 30,1%.
Valutnaja vyručka ad unutranaha handlu za valutu skłała ŭ studzieni—kastryčniku 114,9 młn. dołaraŭ i źniziłasia bolš jak u čatyry razy ŭ paraŭnańni z anałahičnym pieryjadam minułaha hoda.
Rezkaje skaračeńnie pastupleńniaŭ ad unutranaha handlu za valutu biełaruskija ekanamisty tłumačać palitykaj Nacbanka pa dedałaryzacyi ekanomiki. Nahadajem, viasnoj hetaha hoda rehulatar zabaraniŭ vykarystańnie raźlikaŭ u zamiežnaj valucie za turystyčnyja i strachavyja pasłuhi. Adnačasova z hetym była ŭviedzienaja zabarona na raźliki za paliva na aŭtazapravačnych stancyjach u SKV.
Jak paviedamlałasia raniej, u vieraśni Nacbank pryniaŭ novyja miery pa dedałaryzacyi raźlikaŭ. Pavodle pastanovy № 515, jakaja nabyła moc 16 vieraśnia, było zabaroniena vykarystoŭvać zamiežnuju valutu pry ažyćciaŭleńni raźlikaŭ pamiž jurydyčnymi asobami — rezidentami z udziełam rezidentaŭ svabodnych ekanamičnych zon i pry ažyćciaŭleńni raźlikaŭ pa asobnych vidach dahavoraŭ strachavańnia.
Śpiavak Dźmitryj Kałdun pakazaŭ svaju minskuju kvateru niedaloka ad Drazdoŭ ŠMAT FOTA15
Kamientary