Apieratyŭnikami ŭpraŭleńnia pa baraćbie z ekanamičnymi złačynstvami HUUS Minharvykankama zatrymany 57-hadovy minčanin, jaki ažyćciaŭlaŭ valutna-abmiennyja apieracyi, nie majučy śpiecyjalnaha dazvołu i biez adpaviednaj rehistracyi.
Jak paviedamlaje HUUS, za apošnija niekalki hadoŭ jon niezakonna nabyŭ zamiežnuju valutu na sumu nie mienšuju za 109,6 młrd. rubloŭ u ekvivalencie. Z hetaj sumy tolki za dva miesiacy 2015 hoda — amal 35 młrd. rubloŭ.
Mužčyna byŭ zatrymany apieratyŭnikami paśla čarhovaha nabyćcia valuty. Padčas asabistaha vobysku ŭ jaho kanfiskavana bolš jak 40 tys. dołaraŭ ZŠA.
U vyniku praviedzienych dalejšych apieratyŭna-vyšukovych mierapryjemstvaŭ stała viadoma, što zatrymany nieadnarazova nabyvaŭ zamiežnuju valutu ŭ bankach stalicy ŭ intaresach roznych indyvidualnych pradprymalnikaŭ, jakija handlujuć na rynku HC «Ekspabieł» u Minsku.
Letaś za ažyćciaŭleńnie niezakonnaj pradprymalnickaj dziejnaści, źviazanaj z praviadzieńniem valutna-abmiennych apieracyj, u dačynieńni da mužčyny ŭžo raspačynałasia sprava na padstavie č. 2 art. 233 KK (niezakonnaja pradprymalnickaja dziejnaść), adnak jaho vyzvalili ad kryminalnaj adkaznaści pa amnistyi, a vytvorčaść pa spravie spynili.
U dačynieńni da mužčyny, jaki zajmaŭsia cieniavym abarotam zamiežnaj valuty, raspačata sprava na padstavie č. 1 art. 233 KK. Sankcyja artykuła praduhledžvaje pakarańnie ŭ vyhladzie pazbaŭleńnia voli terminam da troch hadoŭ z kanfiskacyjaj pradmieta złačynstva.
Śpiavak Dźmitryj Kałdun pakazaŭ svaju minskuju kvateru niedaloka ad Drazdoŭ ŠMAT FOTA16
Kamientary