Jarmošyna: Parłamienckija vybary projduć nie paźniej za 11 vieraśnia 2016 hoda
Krajni termin praviadzieńnia parłamienckich vybaraŭ — 11 vieraśnia 2016 hoda, paviedamiła žurnalistam 10 śniežnia ŭ Pałacie pradstaŭnikoŭ staršynia Centrvybarkama Lidzija Jarmošyna.
Pavodle jaje słoŭ, vybary pavinny adbycca nie paźniej, čym za miesiac da zakančeńnia paŭnamoctvaŭ dziejučaha składu parłamienta. Raz pieršaja siesija Pałaty pradstaŭnikoŭ ciapierašniaha sklikańnia adbyłasia 18 kastryčnika 2012 hoda, vybary pavinny adbycca nie paźniej za 17 vieraśnia. Bližejšaja pierad hetaj dataj niadziela — 11 vieraśnia.
Jak adznačyła Jarmošyna, dzień praviadzieńnia parłamienckich vybaraŭ budzie pryznačany da 10 červienia.
Kiraŭnik CVK paviedamiła, što zajaŭleny biudžet na praviadzieńnie parłamienckich vybaraŭ składaje 196 młrd rubloŭ. Siaredniaja kolkaść vybarčych akruhaŭ — 63 700 čałaviek plus-minus 10%. U lutym CVK razhledzić prapanovy pa miežach akruhaŭ.
Kamientary