Pra heta jon skazaŭ u čaćvier, 17 śniežnia, na pres-kanfierencyi.
Pucin raspavioŭ, što ŭ rozny čas «čytaŭ roznyja rečy» pra svaich dačok. «Zusim niadaŭna ŭsie śćviardžali, što dočki atrymlivajuć adukacyju i žyvuć za miažoj. Ciapier, dziakuj Bohu, nichto pra heta nie piša. Heta praŭda: jany žyvuć u Rasii i nikudy nikoli nie vyjazdžali. Jany vučylisia tolki ŭ rasijskich VNU», — skazaŭ prezident.
U toj ža čas, pavodle jaho słoŭ, «heta nie značyć, što jany nie majuć kantaktaŭ z kalehami [za miažoj]».
«Ja imi hanarusia. Jany praciahvajuć vučycca i pracujuć», — skazaŭ kiraŭnik rasijskaj dziaržavy.
Pa słovach Pucina, jaho dočki «robiać pieršyja kroki ŭ svaich karjerach, ale damahajucca dobrych pośpiechaŭ».
Jon taksama adznačyŭ, što jany nie zajmajucca biznesam i palitykaj. «Jany nikoli nie byli zornymi dziećmi» i «nie atrymlivali zadavalnieńnia» ad viadomaści, skazaŭ Pucin. «Jany prosta žyvuć svaim žyćciom i robiać heta vielmi hodna», — skazaŭ na zakančeńnie jon.
Pucin nie abvierh, ale i nie paćvierdziŭ čutki pra toje, što namieśnik prarektara MDU Kaciaryna Cichanava — jaho dačka. Jon adznačyŭ, što «heta dobraja inicyjatyva rektara», jakaja «zaklučajecca ŭ tym, kab sumiaścić mahčymaści vyšejšaj škoły i navuki z patrebami pradpryjemstvaŭ i narodnaj haspadarki».
Śpiavak Dźmitryj Kałdun pakazaŭ svaju minskuju kvateru niedaloka ad Drazdoŭ ŠMAT FOTA16
Kamientary