Milicyja šukaje kiroŭcu, jaki moh padvozić źnikłuju dva tydni tamu ŭ Breście 38-hadovuju Valancinu Hołub.
Jak paviedamili ŭ adździaleńni infarmacyi i hramadskich suviaziaŭ UUS Bresckaha abłvykankama, padčas vyšukovych mierapryjemstvaŭ ustanoŭlena, što žančyna 22 śniežnia prykładna ŭ 15.00 u Breście, u rajonie skryžavańnia vulic Hohala i Lenina, sprabavała spynić aŭtamabil.
Valancina Hołub, nastaŭnik siaredniaj škoły № 9 Bresta, 22 śniežnia pryblizna ŭ 14.00 pajšła sa škoły paśla pracy i doma nie źjaviłasia. Jaje mabilny telefon zastaŭsia na pracy. Na suviaź z rodnymi i blizkimi žančyna nie vychodziła. 23 śniežnia ŭ 21.00 u milicyju źviarnuŭsia muž źnikłaj.
Druhoha studzienia Brescki mižrajonny adździeł Śledčaha kamiteta raspačaŭ kryminalnuju spravu pa fakcie źniknieńnia Valanciny Hołub.
Da hetaha času miescaznachodžańnie žančyny nieviadomaje. Pošukavyja mierapryjemstvy pravodziacca ŭ Breście i za jaho miežami, adpracoŭvajucca roznyja viersii.
Prykmiety źnikłaj: na vyhlad 35-40 hadoŭ, rost 170 sm, siaredniaha ciełaskładu, vałasy doŭhija rusyja. Była apranutaja ŭ paŭpalito bałońnievaje čornaha koleru, pinžak ciomnaha koleru, błuzku biełaha koleru ŭ čorny harošak, čornuju spadnicu i boty małočnaha koleru.
Supracoŭniki kryminalnaha vyšuku Maskoŭskaha RAUS Bresta prosiać kiroŭcu, jaki moh padvieźci žančynu, paviedamić ab hetym pa telefonach: 8(029)727-27-93 («MTS»), 8(0162)47-90-50, 8(0162)47-91-32 abo 102.
Kamientary