Aciapleńnie žylla ŭ Biełarusi možna budzie pieravodzić z centralizavanaha na indyvidualnaje. Heta praduhledžana ŭkazam numar 535 «Ab pradastaŭleńni žyllova-kamunalnych pasłuh», jaki kiraŭnik dziaržavy padpisaŭ 31 śniežnia, paviedamili ŭ pres-słužbie biełaruskaha lidara.
Ukaz pradastaŭlaje mahčymaść pierajści z centralizavanaha ciepłazabieśpiačeńnia žyllovaha fondu hramadzian na indyvidualnaje aciapleńnie ŭ vypadkach, kali pieršy varyjant ekanamična niavyhadny. Dakumientam rehłamientavany paradak takoha pierachodu. Jon budzie pravodzicca za košt biudžetu, što daść mahčymaść źnizić raschody miascovych biudžetaŭ, pavysić ekanomiju paliŭna-enierhietyčnych resursaŭ, a taksama ažyćciavić pieradaču ciepłavych sietak i abjektaŭ vonkavaha aśviatleńnia enierhazabieśpiačalnym arhanizacyjam.
Akramia taho, 31 śniežnia kiraŭnik dziaržavy padpisaŭ ukaz numar 536 «Ab uniasieńni źmianieńnia va Ukaz Prezidenta Respubliki Biełaruś». Jon praduhledžvaje kompleksnuju karekciroŭku ŭkaza ad 14 kastryčnika 2010 hoda numar 538 «Ab niekatorych pytańniach dziejnaści tavarystvaŭ ułaśnikaŭ i arhanizacyj zabudoŭščykaŭ». Normy dakumienta nakiravany na pavyšeńnie adkaznaści staršyń tavarystvaŭ ułaśnikaŭ, arhanizacyj zabudoŭščykaŭ. Uzmacniajucca patrabavańni da ich prafiesijnaj kvalifikacyi, pašyrajucca paŭnamoctvy miascovych orhanaŭ ułady pa prymianieńni mier uździejańnia da niadobrasumlennych staršyń, vyklučajecca mahčymaść pryniaćcia rašeńniaŭ mienšaściu ŭłaśnikaŭ nasupierak intaresam bolšaści.
Realizacyja ŭkaza numar 536 daść mahčymaść uparadkavać dziejnaść tavarystvaŭ ułaśnikaŭ, arhanizacyj zabudoŭščykaŭ, pryviadzie da źnižeńnia zatrat na akazańnie žyllova-kamunalnych pasłuh, zabiaśpiečyć sistemny padychod da kiravańnia ŽKH.
Ciapier čytajuć
«Z maskalom havary, da kamień za pazuchaju dziaržy». My daviedvajemsia ŭsio bolš novaha pra Kastusia Kalinoŭskaha — palityka, jakoha ciapier nie chapaje3030
Kamientary