Hramadzianin Polščy sprabavaŭ abmianiać ŭ bresckim banku padroblenuju banknotu vartaściu $100, paviedamiła aficyjny pradstaŭnik upraŭleńnia Dziaržaŭnaha kamiteta sudovych ekśpiertyz pa Bresckaj vobłaści Taćciana Sivickaja.
Sapraŭdnaść banknoty vyklikała sumnievy ŭ kasira, pra što jana prainfarmavała supracoŭnikaŭ pravaachoŭnych orhanaŭ. Jak paśla patłumačyŭ kiroŭca-dalnabojnik, kupiuru jon atrymaŭ ad pracadaŭcy na kamandzirovačnyja vydatki, i pra toje, što jana padroblenaja, nie zdahadvaŭsia.
Padčas pieratrusu byli kanfiskavanyja taksama inšyja banknoty roznaha naminału na ahulnuju sumu $601. Dla vyznačeńnia sapraŭdnaści valuta była adpraŭlenaja ŭ Brescki mižrajonny adździeł Dziaržaŭnaha kamiteta sudovych ekśpiertyz. U vyniku z 48 banknot padroblenaj akazałasia jašče adna kupiura ŭ sto dalaraŭ.
Pavodle zaklučeńnia ekśpierta, znojdzienyja hrašovyja bilety vartaściu $100 vyrablenyja sposabam płoskaha afsietnaha druku z fotamiechaničnych drukavanych formaŭ, vadziany znak imitavany farbujuć rečyvam biełaha koleru.
Pa dadzienym fakcie raspačataja kryminalnaja sprava pa č.1 art.221 KK Biełarusi (vyrab, zachoŭvańnie abo zbyt padrobnych hrošaj ci kaštoŭnych papier).
Ciapier čytajuć
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal3
Kamientary