Festyval dziciačaha švedzkaha kino, pryśviečany 100‑hadovamu jubileju piśmieńnicy. Anhielskija subtytry i biełaruski pierakład. Z 12 pa 14 krasavika ŭ Miensku i z 16 pa 18 krasavika ŭ Homieli.
«Kale Blumkvist i Razmus». Film raskazvaje historyju dziaciej z maleńkaj švedzkaj viosački. Jany padzielenyja na dźvie varožyja hrupy — biełyja i čyrvonyja ružy — i zmahajucca za kamień, jaki, zdajecca, nia maje nijakaj kaštoŭnaści. Ale bieskłapotnaje leta raptam napaŭniajecca prablemami: bandyty zachapiła prafesara i jaho piacihadovaha syna Razmusa i patrabujuć formułu adnaho z vynachodnictvaŭ prafesara. Čas dla Kale Blumkvista iznoŭ stać detektyvam.
«Ty zdurnieła, Madykien?». Madykien — siamihadovaja dziaŭčynka. Jana žyvie z mamaj, tatam, małodšaj siastryčkaj Lisabet, pudzielem Saso, kacianiatkam Husan i siabroŭkaj Alvaj u vialikim čyrvonym domie la raki ŭ maleńkim švedzkim haradku. Dziejańnie adbyvajecca ŭ 1915 hodzie. U Madykien uźnikaje šmat dziŭnych idejaŭ, praŭda, jana nikoli ich nie ažyćciaŭlaje — da adnaho cudoŭnaha momantu.
«Rońnia, dačka razbojnika». U tuju noč, kali naradziłasia Rońnia, nad harami bušavała navalnica. Ale Mat byŭ nastolki rady naradžeńniu dački, što nie zaŭvažaŭ niepahody. Jaho rod budzie praciahvacca, a žyćcio Borki abarviecca. Borka — hałoŭny vorah, a baćka i dziadula Borki byli hałoŭnymi vorahami baćki i dziaduli Mata. Ale ŭ tuju noč, kali naradziłasia Rońnia, žonka Borki naradziła syna. Rońnia vučycca skakać i tančyć dy kryčać razam ź inšymi razbojnikami, ale jana adčuvaje siabie adzinokaj u lasach Mata. Adnojčy jana sustrakaje Birka. U chutkim časie pamiž dźviuma varožym hrupoŭkami razharajecca vielizarny kanflikt, u centry jakoha i znachodziacca Rońnia i Birk. Jany musiać sustrakacca tajemna ŭ samaj huščečy lesu. Pryhody pačynajucca…
Miensk
12 krasavika — «Kale Blumkvist i Razmus». Pačatak a 11‑j i 13‑j.
13 krasavika — «Ty zdurnieła, Madykien?» Pačatak a 11‑j i 13‑j.
14 krasavika — «Rońnia, dačka razbojnika». Pačatak a 13‑j i 15‑j.
Homiel
16 krasavika — «Ty zdurnieła, Madykien?»
17 krasavika — «Rońnia, dačka razbojnika»
18 krasavika — «Kale Blumkvist i Razmus»
Pačatak seansaŭ a 14‑j.
Ciapier čytajuć
Adpačynak dla biasstrašnych i biespryncypovych: što ciapier z turami ź Biełarusi ŭ Krym?10
Kamientary