10 lutaha — Papialcovaja sierada, jakoj u Katalickim Kaściole pačynajecca 40-dzionny Vialiki post. Dla viernikaŭ jon źjaŭlajecca asablivym zaklikam da pakajańnia i pieramianieńnia žyćcia. U hety dzień šmatlikija katoliki našaj krainy naviedvajuć śviatyni.
Vialiki post u Kaściole — heta taksama čas padrychtoŭki, praz rekalekcyi i spoviedź, da najvažniejšaha śviata va ŭsim liturhičnym hodzie — Uvaskrasieńnia Pana, ci vielikodnych śviataŭ.
Papialcovaja sierada atrymała svaju nazvu ad abradu pasypańnia hałovaŭ popiełam. U liturhii hety simvał supravadžajuć słovy śviatara: «Ty prach i ŭ prach vierniešsia» abo «Kajciesia i viercie ŭ Jevanhielle».
Popieł, jaki ŭ hety dzień vierniki prymajuć na hałovy, — znak pryznańnia svajoj niedaskanałaści i zaležnaści ad Boha. Akt pasypańnia hałavy popiełam simvalizuje pryniaćcie zakliku pieramianić svajo žyćcio i padkarektavać pavodziny.
Popieł, jakim u hety dzień śviatar pasypaje viernikam hałovy, pachodzić sa spalenych viarbovych halinak, jakija ŭ minuły hod nieśli ŭ pracesii ŭ Palmovuju niadzielu.
Ciapier čytajuć
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary