U studzieni nabyli moc papraŭki ŭ Hramadzianski pracesualny kodeks. Ciapier «zaprašeńnie» ŭ sud pa SMS ci elektronnaj pošcie pryraŭnoŭvajecca da papiarovaj pozvy.
«Dla naležnaj arhanizacyi pravasudździa ŭ sučasnych umovach razumna i pravilna ŭžyvać usie dasiahnieńni navukova-techničnaha prahresu, — raspavioŭ u intervju BiełTA pieršy namieśnik staršyni Viarchoŭnaha suda Biełarusi Valeryj Kalinkovič. — Heta dastupna dla ludziej i ciahnie surjoznaje skaračeńnie sudovych vydatkaŭ. My majem namier prymianiać hetuju navełu va ŭsich vidach sudavodstva, pryčym vielmi šyroka».
Pa słovach Valeryja Kalinkoviča, sudy pastupova sychodziać ad zvykłaj papiarovaj pozvy, «jakuju paštaljon nosić za niadbajnym adkazčykam, a toj chavajecca i nie žadaje jaje atrymlivać».
Pry hetym stavicca da SMS ad suda treba tak ža surjozna, jak i da papiarovaj pozvy.
«Va ŭsim cyvilizavanym śviecie da vykliku ŭ sud staviacca vielmi surjozna, i tyja, chto sumniajecca, ci treba iści ŭ sud pa SMS, chaj bolš nie sumniajucca — treba. Tym bolš što takoha vidu paviedamleńni zabiaśpiečvajuć zvarotnuju suviaź. Sud viedaje, atrymaŭ čałaviek elektronnaje apaviaščeńnie abo nie, a niajaŭka biez pavažnych pryčyn u šerahu vypadkaŭ siońnia aznačaje aŭtamatyčny projhryš sprečki», — patłumačyŭ pieršy namieśnik staršyni Viarchoŭnaha suda.
Ciapier čytajuć
19‑hadovy kursant Akademii MUS nabiŭ sabie na łbie mišeń i pajechaŭ šturmavać Zaparožža. Ideja spracavała2
Kamientary