Uvoz tavaraŭ zvyš 300 jeŭra čaściej čym raz na kvartał budzie abkładacca mytnymi płaciažami, zajaviŭ siońnia žurnalistam namieśnik staršyni Dziaržaŭnaha mytnaha kamiteta Uładzimir Arłoŭski, kamientujučy normy ŭkaza № 40, padpisanaha siońnia kiraŭnikom dziaržavy.
«Ukazam uniesienyja źmieny ŭ paradak pieramiaščeńnia tavaraŭ dla asabistaha karystańnia praz aŭtamabilnyja i čyhunačnyja punkty propusku. Dziejučaja norma ŭ 1,5 tys. jeŭra i 50 kh biaspošlinnaha ŭvozu zastajecca dziejničać, ale kali hramadzianie buduć pierasiakać miažu čaściej jak raz na try miesiacy, to tavary sumaj zvyš za 300 jeŭra nie buduć pryznavacca mytnymi orhanami tavarami dla asabistaha karystańnia, a takim čynam buduć abkładacca mytnymi płaciažami», — adznačyŭ Uładzimir Arłoŭski.
Pavodle jaho słoŭ, zhodna z vynikami abśledavańnia fizičnych asob u aŭtadarožnych punktach propusku na miažy Biełarusi, praviedzienaha Nacyjanalnym statystyčnym kamitetam i Dziaržaŭnym mytnym kamitetam u 2015 hodzie, bolš za 70% respandentaŭ pakazali sumu raschodaŭ pry pajezdcy za miažu da 300 jeŭra.
Pałažeńni ŭkaza nie buduć prymianiacca ŭ dačynieńni da asobnych katehoryj tavaraŭ, ryzyka ŭvozu jakich u kamiercyjnych metach minimalnaja. Havorka idzie pra tavary, što ŭvoziacca pavietranym transpartam, supracoŭnikami dypłamatyčnych pradstaŭnictvaŭ i konsulskich ustanoŭ, a taksama tavaraŭ, jakija byli vyviezienyja raniej i ŭvoziacca fizičnymi asobami nazad.
Uładzimir Arłoŭski padkreśliŭ, što normy ŭkaza adpaviadajuć normam, što prymianiajucca ŭ dziaržavach Jeŭrapiejskaha sajuza. «U Jeŭrapiejskim sajuzie norma biaspošlinnaha ŭvozu tavaraŭ, što pieramiaščajucca naziemnym transpartam, składaje 300 jeŭra ŭ niezaležnaści ad častaty pierasiačeńnia miažy», — skazaŭ namieśnik staršyni DMK.
Bulba-fitnes: biełarusy pakazvajuć u sacyjalnych sietkach, kolki bulby vykapali sioleta5
Bulba-fitnes: biełarusy pakazvajuć u sacyjalnych sietkach, kolki bulby vykapali sioleta
Hrodzienskaha padletka adpravili ŭ škołu ŭ Litvu — jon vyvučyŭ litoŭskuju i ciapier pierakładaje ŭ Jeŭraparłamiencie. Pierakładaŭ jon i Cichanoŭskich3030
Kamientary