Śledčy kamitet vyśviatlaje abstaviny zabojstva 22-hadovaha žychara vioski Pinkavičy Pinskaha rajona.
Jak paviedamiła aficyjny pradstaŭnik upraŭleńnia Śledčaha kamiteta pa Bresckaj vobłaści Maryna Drańkova, cieła maładoha čałavieka z kołata-rezanym ranieńniem u vobłaści hrudnoj kletki znajšli ŭ aŭtamabili ŭ Pinsku 15 lutaha ŭ 4.30 vypadkovyja prachožyja.
Pobač z zahinułym znachodziŭsia jaho 20-hadovy adnaviaskoviec, u jakoha była paškodžanaja tazaściehnavaja arteryja. Supracoŭniki chutkaj dapamohi, jakija prybyli na miesca zdareńnia, dastavili paciarpiełaha ŭ reanimacyjnaje adździaleńnie miascovaj balnicy.
Pinskim mižrajonnym adździełam SK pa hetym fakcie raspačataja sprava pa č. 1 art. 139 KK (zabojstva) i č. 1 art. 14 da p. 1 č. 2 art. 139 KK (zamach na zabojstva dvuch asob).
Pavodle papiaredniaj viersii, nočču 15 lutaha ŭ adnym z baraŭ Pinska zdaryŭsia kanflikt z udziełam hetych maładych ludziej. Paśla hetaha jany dla vyśviatleńnia adnosin nakiravalisia ŭ dvary damoŭ u spalnym mikrarajonie horada.
Na miescy zdareńnia pracavali śledčyja ŭpraŭleńnia Śledčaha kamiteta pa Bresckaj vobłaści, vykarystoŭvałasia pierasoŭnaja kryminalistyčnaja łabaratoryja SK.
Padazravany va ŭčynieńni zabojstva zatrymany. Źviestki ab im pakul nie vydajucca.
Kamientary