Mikałaj Statkievič: Jeŭraparłamient nie budzie supracoŭničać z łukašenkaŭskaj «pałatkaj»
Lidar biełaruskaj apazicyi vystupiŭ u Jeŭrapiejskim Parłamiencie.
Pra toje, jak prajšoŭ vizit, lidar biełaruskaj apazicyi, były palitviazień Mikałaj Statkievič napisaŭ u Fejsbuku.
«Na hetym tydni byŭ zaprošany ŭ Jeŭraparłamient. Vystupiŭ z dakładam ab situacyi ŭ Biełarusi na pasiadžeńni hrupy «Prahresiŭny aljans sacyjalistaŭ i demakrataŭ» - druhi pavodle kolkaści frakcyi Jeŭraparłamienta. Zatym taki ž dakład zrabiŭ na pasiadžeńni hrupy Jeŭraparłamienta ab Biełarusi. Paśla dakładaŭ adkazvaŭ na pytańni. Biezumoŭna, vykazaŭ svaju pazicyju ab skasavańni Jeŭraźviazam sankcyj suprać biełaruskaha režymu. Jana viadomaja. Darečy, skłałasia ŭražańnie, što mnohija z maich surazmoŭcaŭ taksama nie znachodziać padstaŭ dla takoj pastanovy.
Kalehi paviedamili mnie, što sacyjał-demakratyčnaja frakcyja vystupaje suprać skasavańnia sankcyj. Taksama pryniataja pastanova, što Jeŭraparłamient pakul nie budzie supracoŭničać z našaj «pałataj pradstaŭnikoŭ» i pryznavać jaje za parłamient. Sfarmulavanyja ŭmovy takoha supracoŭnictva: źmieny ŭ vybarčaje zakanadaŭstva, reabilitacyja byłych palitviaźniaŭ i sumlennyja parłamienckija vybary, paśla jakich u biełaruskim parłamiencie źjavicca apazicyja.
Padčas pasiadžeńnia rabočaj hrupy ab Biełarusi polskija jeŭradeputaty zadavali šmat pytańniaŭ ab efiektyŭnaści ŚMI, jakija pracujuć z terytoryi Polščy dla Biełarusi, pra telekanał «Biełsat», sajty «Chartyja-97», Radyjo «Racyja» i «Jeŭraradyjo». Raspavioŭ ab vyklučnaj važnaści dla Biełarusi hetych ŚMI va ŭmovach rasiejskaj televizijnaj akupacyi Biełarusi i paprasiŭ nie spyniać ich padtrymku.
Taksama była sustreča ŭ Jeŭrakamisii.
Usie maje surazmoŭcy i ŭdzielniki pasiadžeńniaŭ vielmi stanoŭča aceńvali namier pravieści Kanhres demakratyčnych sił dziela kansalidacyi jeŭrapiejskaj apazicyi ŭ Biełarusi i vypracoŭki supolnaj prahramy vyvadu našaj krainy z kryzisu. Niekatoryja ź jeŭradeputataŭ vykazali achvotu być haściami Kanhresu», - napisaŭ Mikałaj Statkievič.
Prapahandystka ANT Natalla Stelmach źmianiła imia na Naci Ryšna i zarablaje ŭ Mieksicy na šamanach i narkatyčnych hrybach12
Kamientary