Arhanizatary «Śpieŭnych schodaŭ» prosiać achviaravać, kab hetaja inicyjatyva žyła.
Ukraincy, hruziny, litoŭcy, kali źbirajucca razam, śpiavajuć svaje narodnyja pieśni. Biełarusy ž časta narodnych piesień nie viedajuć.
I adkul? Pa radyjo i TV jany amal nie hučać. Kab vypravić situacyju i adradzić narodnuju pieśniu «źnizu», žurnalist
Alaksiej Čubat i muzyka Siarhiej Doŭhušaŭ prydumali inicyjatyvu «Śpieŭny schod».
Ideja prostaja: kab biełarusy źbiralisia razam i vučyli narodnyja pieśni.
«Pieśni pierachodziać z etnahrafičnych schovaŭ i ažyvajuć tut i ciapier, u asiarodździ sučaśnikaŭ, u horadzie XXI st. Pieśni piajucca ludźmi, jakija raniej nikoli nie śpiavali, — pišuć arhanizatary. — «Śpieŭny schod» zadumany dla taho, kab tradycyjnaja pieśnia Biełarusi žyła ŭ ludziach, kab biełarusy zachacieli śpiavać na śviatach, u važnyja momanty žyćcia. Taksama prajekt inicyjuje ideju, što pieśnia źjaŭlajecca dobrym srodkam prezientacyi krainy ŭ zamiežžy.
Jašče adna ideja «Śpieŭnaha schoda» – jednaść biełarusaŭ.
Arhanizatary prajekta miarkujuć, što supolnyja śpievy – adzin z najmacniejšych faktaraŭ abjadnańnia nacyi.
Heta adčuvańnie robić čałavieka prynaležnym da ŭsioj hramady, pavyšaje samaacenku. Mienavita takoje adčuvańnie, kali za taboj – tvoj narod, dapamahaje pieramahać u roznych situacyjach: spartyŭnych spabornictvach, muzyčnych konkursach».
Za 2015 hod u Minsku i Viciebsku prajšli siem «Śpieŭnych schodaŭ», jakija źbirali pa 50—150 udzielnikaŭ. Na dalejšuju dziejnaść arhanizatary prosiać achviaravać.
Na što pojduć hrošy? «Pierš-napierš, budziem apłočvać arendu załaŭ, — kaža Alaksiej Čubat. — Niahledziačy na kryzis, dobrych placovak u Minsku nie tak šmat, i dempinhavać jany pakul nie źbirajucca. Hadzina ŭ roznych placovak kaštuje ad $50 da $100.
Druhi artykuł pa zatratach - heta hanarary ŭsim, chto robić mierapryjemstva. My ličym, što lubaja praca pavinna apłačvacca, a heta praca i muzyki, i viadučaha, i administratara, i mieniedžara, i vystupoŭcy mini-lekcyi. Treciaja katehoryja raschodaŭ - heta ŭsio, što źviazana z sučasnymi technałohijami i multymiedyja. Videazdymka, fotazdymka, SMM, pasłuhi dyzajniera. Bieź videa-, aŭdyjo- i interniet zabieśpiačeńnia ŭ siońniašnim śviecie anijak. Kali skłaści, atrymlivajecca takaja suma.
Kali, naprykład, my zmožam sekanomić na raschodach, zrobim bolš «Śpieŭnych schodaŭ», — kaža Alaksiej Čubat.
Bolej infarmacyi pra «Śpieŭnyja schody» možna atrymać na staronkach u sacsietkach Vkontakcie i Facebook. Taksama inicyjatyva maje akaŭnt na Jutubie i sajt.
Ciapier čytajuć
U Minsku budujuć novaje «Akreścina» ŭ hłuchoj pramzonie. A što budzie sa starym?3
Kamientary