Kniharnia «Halijafy» (vuł. Staravilenskaja, 6). Pačatak a 19.00.
U halerei kniharni «Halijafy» buduć pradstaŭleny 15 tvoraŭ žyvapisu, abjadnanych važnaj dla mastaka temaj hłabalizacyi.
Pracy Alesia Rodzina ŭvasablajuć aŭtarskuju zaniepakojenaść padziejami i prablemami sučasnaści.
Aleś Rodzin – adzin z najznanych na Zachadzie sučasnych biełaruskich mastakoŭ.
Bolš za dziesiać hadoŭ jon byŭ rezidentam artchaŭsa «Tacheles» u Bierlinie – sapraŭdnaha anarchičnaha skvota, dzie žyli i pracavali tvorčyja ludzi z usiaho śvietu.
Mastak naradziŭsia ŭ 1947 hodzie ŭ Baranavičach.
Vučyŭsia ŭ mastackaj studyi Viktara Viarsockaha i mastackaj škole № 1. Praciahvaŭ navučańnie na adździaleńniach dyzajnu i žyvapisu ŭ Biełaruskim dziaržaŭnym teatralna-mastackim instytucie ŭ Ivana Achremčyka, Natana Voranava, Chajma Liŭšyca. Ad 2001 hoda razam sa Źmitrom Jurkievičam arhanizuje štohadovy fiestyval «DACH».
«My ŭsie znachodzimsia ŭ atačeńni hłabalnych źmienaŭ, jakija pravakujuć hrandyjoznyja vyniki ŭ śfiery ekanomiki, palityki, kultury krain dy kantynientaŭ. Hetyja vyniki farmujuć jak stanoŭčyja, tak i admoŭnyja psichałahičnyja reakcyi. Namahańni ŭśviadomić hetyja nastupstvy mastackimi srodkami i jość peŭny vynik hetaj vystavy, raspačataj jašče ŭ kunstchaŭsie Tacheles», − tak acharaktaryzavaŭ kancepcyju vystavy sam mastak.
Vystavu možna budzie naviedać da 20 krasavika 2016 hoda.
Uvachod volny.
Kamientary