U Hiermanii ŭ piatnicu, 18 sakavika, pamior były ministr zamiežnych spraŭ krainy Hida Viesterviele. Pra jaho śmierć paviedamiŭ Fond Viesterviele ŭ Bierlinie na svajoj staroncy ŭ Facebook.
«My zmahalisia. Meta była ŭ nas pierad vačyma. My ŭdziačnyja za nievierahodna vydatny čas, praviedzieny razam. Luboŭ zastajecca», — havorycca ŭ paviedamleńni, raźmieščanym pad fatahrafijaj Hida Viesterviele.
Pryčynaj śmierci 54-hadovaha palityka stała lejkiemija. Ź listapada 2015 hoda jon uvieś čas znachodziŭsia ŭ špitali, pryčynaj čaho byŭ pierachod na novyja miedykamienty paśla praviedzienaj transpłantacyi kaściavoha mozhu.
Dyjahnaz «lejkiemija» Hida Viesterviele pastavili ŭ 2014 hodzie - praz paŭhoda paśla sychodu ŭ adstaŭku z pasady kiraŭnika niamieckim MZS. U listapadzie minułaha hoda jon prezientavaŭ knihu «Pamiž dvuma žyćciami» i vystupiŭ pa telebačańni, dzie raspavioŭ ab svajoj baraćbie z rakam.
Tady šerah niamieckich ŚMI vykazaŭ nadzieju, što Viesterviele ŭdałosia pieramahčy chvarobu, adnak užo ŭ śniežni 2015 hoda jaho znoŭ špitalizavali. U jakaści aficyjnaj pryčyny špitalizacyi byŭ nazvany pierachod na novyja miedykamienty paśla praviedzienaj transpłantacyi kaściavoha mozhu. U balnicy Viesterviele zastavaŭsia da svajoj śmierci.
Z kanca 1980-ch hadoŭ Hida Viesterviele hraŭ prykmietnuju rolu ŭ niamieckaj palitycy. Budučy členam Svabodnaj demakratyčnaj partyi (SvDP) i doŭhi čas znachodziŭsia ŭ apazicyi, u 2009 hodzie jon staŭ ministram zamiežnych spraŭ Hiermanii — paśla taho jak svabodnyja demakraty razam z błokam CHDS/CHSS vyjhrali vybary ŭ bundestah. Na hetaj pasadzie Viesterviele zastavaŭsia da 2013 hoda.
Va Ukrainie zahinuła 24-hadovaja biełaruskaja dobraachvotnica Maryja Zajcava12
Kamientary