Ministr Šunievič pryznaŭ pamyłku milicyi ŭ spravie fiłosafa Mackieviča: «Nahodaj stała mocnaje vizualnaje padabienstva»
Kiraŭnik MUS Ihar Šunievič pryznaŭ, što supracoŭniki milicyi pamylilisia na sudzie 15 sakavika, zajaviŭšy, što bačyli fiłosafa i hramadskaha dziejača Uładzimira Mackieviča na adnoj z akcyj IP 15 lutaha. Pra heta ministr zajaviŭ žurnalistam u Pałacie pradstaŭnikoŭ 5 krasavika.
«Adnaznačna mahu zajavić, što supracoŭniki milicyi zrabili pamyłku ŭ identyfikacyi asoby čałavieka. Nahodaj stała mocnaje vizualnaje padabienstva z udzielnikam dadzienaha mierapryjemstva. Raźbiralnictva idzie, my ličym ich niapravymi. Na dadzienym etapie možna skazać, što heta pamyłka», - skazaŭ kiraŭnik MUS.
Nahadajem, Mackieviča 15 sakavika sudzili ŭ Centralnym rajonnym sudzie Minska za «ŭdzieł u niesankcyjanavanym mierapryjemstvie», a mienavita — za akcyju pratestu pradprymalnikaŭ, jakaja prajšła 15 lutaha. Milicyjanty ŭ sudzie śćviardžali, što bačyli jaho z płakatam «Pracu!». Adnak u časie pracesu vyśvietliłasia, što sam Mackievič u hety dzień byŭ u Varšavie, što paćviardžajuć štampy ŭ pašparcie ab vyjeździe i ŭjeździe ŭ krainu i kvitki na samalot.
Sudździa vyrašyła adpravić administracyjny pratakoł suprać Mackieviča na dapracoŭku. Fiłosaf padaŭ zajavu ŭ prakuraturu z prośbaj pryciahnuć troch supracoŭnikaŭ milicyi da adkaznaści za iłžyvyja pakazańni.
Ciapier čytajuć
Na Mazyrskim naftapierapracoŭčym zavodzie prajšli zatrymańni siarod kiraŭnictva1
Kamientary