Minabarony Rasii pryznała masavany ŭdar pa enierhasistemie Ukrainy z vykarystańniem rakiet «Kinžał»
Rasijskaje vajskovaje viedamstva aficyjna prakamientavała načnuju ataku na ŭkrainskija rehijony. U zajavie adkryta pryznajecca, što adnoj z asnoŭnych celaŭ stali abjekty enierhietyki Ukrainy.
Siarod vykarystanych srodkaŭ źniščeńnia Ministerstva abarony RF asobna vyłučyła aerabalistyčnyja hipierhukavyja rakiety «Kinžał», jakija, pavodle ich zajavy, dasiahnuli zadadzienych celaŭ.
Udar tradycyjna byŭ nazvany «adkazam na terarystyčnyja ataki Ukrainy pa cyvilnych abjektach na terytoryi Rasii». Akramia enierhietyčnaj infrastruktury, rasijski bok zajaŭlaje ab paškodžańni pradpryjemstvaŭ VPK.
Unočy ŭ aŭtorak Ukraina pieražyła maštabnuju kambinavanuju ataku z boku Rasii. Pavodle źviestak Pavietranych sił USU, dla ŭdaru było vykarystana 635 udarnych bieśpiłotnikaŭ i 38 rakiet, u tym liku try aerabalistyčnyja rakiety «Kinžał».
U vyniku ataki zahinuli try čałavieki, u tym liku čatyrochhadovaje dzicia.
Paškodžańni atrymali šmatpaviarchovyja i pryvatnyja žyłyja damy.
Enierhietyčnaja infrastruktura surjozna paškodžana ŭ šerahu rehijonaŭ: Rovienskaja, Ciarnopalskaja i Chmialnickaja vobłaści apynulisia amal całkam abiastočanymi. Značnyja prablemy sa śviatłom nazirajucca ŭ Adeskaj, Vińnickaj, Žytomirskaj, Čarnihaŭskaj i inšych abłaściach.
«Biełaruś ciabie lubić». Repartaž z raźvitańnia ź Mikitam Miełkazioravym6
Kamientary
Nu niaŭžo dla hetaha navukoŭcy, inžyniery, majstry nad hipierhukam pracavali?! Peŭna, vieryli, što Radzimu baroniać, suprać avijanoscaŭ zmahajucca... A ichnaj zbrojaj - pa enierhietycy! Što adčuvajuć, što dumajuć?...