U kryvi 13-hadovaj školnicy, što paciarpieła ad ukusaŭ tyhra ŭ barnaulskim zaaparku, znojdzieny ałkahol. Pra heta paviedamlaje ŭ aŭtorak, 12 krasavika, pres-słužba ałtajskaha ŭpraŭleńnia Śledčaha kamiteta Rasii.
«Zhodna z praviedzienym daśledavańniem, u kryvi niepaŭnaletniaj znojdzieny ałkahol u kolkaści 0,5 pramile», — havorycca ŭ paviedamleńni.
Śledčyja vyśviatlajuć, u jakich umovach žyvie i vychoŭvajecca dziaŭčynka, nakolki adekvatna i svoječasova dziejničaŭ piersanał zaaparku. «Z metaj vyznačeńnia stupieni ciažkaści škody zdaroŭju paciarpiełaj pryznačana sudova-miedycynskaja ekśpiertyza», — adznačaje pres-słužba.
Uviečary 10 krasavika tyhr Łotas z barnaulskaha zaaparku «Lasnaja kazka» napaŭ na 13-hadovuju dziaŭčynku, jakaja razam ź siabroŭkaj pranikła na terytoryju ŭstanovy paśla jaje zakryćcia. Pavodle infarmacyi vidavočcaŭ, jany byli pjanyja. Dziaŭčatki, chočučy sfatahrafavacca z žyviołaj, stukali pa kletcy, sprabujučy pryciahnuć uvahu źviera, paśla čaho drapiežnik schapiŭ adnu ź ich za nahu. Tyhr razarvaŭ ciahlicy na nazie ŭ školnicy. Na kryki dziaŭčat prybieh achoŭnik, jaki vyklikaŭ supracoŭnikaŭ MNS, lekaraŭ i palicyju. Na vyratavańnie spatrebiłasia kala 40 chvilin. Paciarpiełaja ŭ ciažkim stanie była dastaŭlena ŭ balnicu, dzie jaje praapieravali.
U zaaparku zajavili, što drapiežnik nie vinavaty i pavodziŭ siabie adekvatna. U svaju čarhu ŭpaŭnavažany pry prezidencie Rasii pa pravach dziciaci Pavieł Astachaŭ zajaviŭ, što paciarpiełaja dziaŭčyna vartaja premii Darvina. Jaje štohod prysudžajuć asobam, jakija praz ułasnuju duraść zahinuli abo stracili zdolnaść mieć dziaciej.
Siłaviki śćviardžajuć, što zatrymali dvuch mužčyn za hałasavańnie na vybarach u KR. Ale ci možna hetamu vieryć?15
Kamientary