U Biełarusi zabaroniać kuryć na prypynkach. Ab hetym paviedamiła siońnia žurnalistam namieśnik hałoŭnaha doktara respublikanskaha centra hihijeny, epidemijałohii i hramadskaha zdaroŭja Ludmiła Narojčyk.
Ministerstva achovy zdaroŭja inicyjavaŭ ŭniasieńnie źmianieńniaŭ u dekret №28. «U prajekcie dekreta źjaviŭsia raździeł, jaki kaža pra poŭnuju zabaronu kureńnia ŭ liftach, na dziciačych placoŭkach, plažach, prypynačnych punktach», — skazała Ludmiła Narojčyk.
Raniej u Minsku ŭžo była ŭviedziena zabarona na kureńnie na prypynkach, ciapier jana raspaŭsiudzicca na ŭsiu krainu.
Akramia taho, prapanujecca ŭvieści zabaronu na kureńnie ŭ zakrytych pamiaškańniach i aŭtamabilach u prysutnaści dziaciej da 14 hadoŭ.
Pa dadzienych respublikanskaha sacyjałahičnaha daśledavańnia, praviedzienaha ŭ 2015 hodzie, źniziŭsia pracent raspaŭsiudžanaści kureńnia siarod darosłaha nasielnictva. U krainie kuryć 27,9% nasielnictva va ŭzroście 16 hadoŭ i starejšyja.
Ciapier čytajuć
Pastar Hrem na «Čyžoŭka-arenie» paprasiŭ malicca za Łukašenku i Pucina. A sam maliŭsia za Trampa32
Pastar Hrem na «Čyžoŭka-arenie» paprasiŭ malicca za Łukašenku i Pucina. A sam maliŭsia za Trampa
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie5555
Kamientary