U Bresckim harvykankamie ciapier jość «Anatol Škarpetak» i «Kachańnie Kazłoŭski»
Kurjoznyja imiony čynoŭnikaŭ źjavilisia na sajcie Bresckaha harvykankama. Heta stała vynikam pierakładu z dapamohaj aŭtamatyčnaha pierakładčyka.
Jak piša tut.by, 10 śniežnia 2015 hoda minčuk Siarhiej Bachun paskardziŭsia ŭ Brescki harvykankam, što na sajcie hetaj struktury niama biełaruskaj viersii. Praz čatyry miesiacy, 15 krasavika, jon atrymaŭ adkaz ab tym, što pytańnie vyrašanaje: «U vyniku praviedzienaj pracy na sajcie harvykankama stvorany nieabchodny instrumient pierakładu infarmacyi na biełaruskuju movu».
Vyjaviłasia, što sajt harvykankama abstalavali knopkaj pierachodu na aŭtamatyčny pierakład u huhł-transłejcie. U vyniku harvykankam niečakana abzavioŭsia novymi rabotnikami. Naprykład, načalnik adździeła adukacyi, sportu i turyzmu Anatol Naskoŭ staŭ u biełaruskaj viersii «Anatol Škarpetak», jaho namieśnica Alesia Okruh — «Alesia Akruha», deputatka harsavieta Luboŭ Kazłoŭskaja — «Kazłoŭski Kachańnie», kiraŭnik spravami administracyi Leninskaha rajona Bresta Uładzimir Tupica (nacisk na pieršy skład) — «Uładzimir Tupień».
Ciapier čytajuć
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»1
Kamientary