Ci pavinna Vialikabrytanija zastavacca členam Jeŭrapiejskaha Sajuza — pytańnie, jakoje pavinny vyrašyć dla siabie brytanskija vybarščyki, adnak siabroŭstva Vialikabrytanii ŭ ES zabiaśpiečvaje joj važkuju pazicyju na suśvietnaj arenie, zajaviŭ prezident ZŠA Barak Abama ŭ artykule, apublikavanym Daily Telegraph. Artykuł vyjšaŭ napiaredadni vizitu Abamy ŭ Vialikabrytaniju.
Na jaho dumku, ES nie strymlivaje brytanski ŭpłyŭ, a, naadvarot, pavialičvaje jaho. «Mocnaja Jeŭropa nie źjaŭlajecca pahrozaj dla hłabalnaha lidarstva Vialikabrytanii — jana jaho ŭzmacniaje. ZŠA bačać, jak vaš mahutny hołas u Jeŭropie zabiaśpiečvaje joj mocnuju pazicyju ŭ śviecie i zachoŭvaje ES adkrytym i ciesna źviazanym sa svaimi sajuźnikami pa inšy bok Atłantyki», — napisaŭ Abama.
Jon padkreśliŭ, što vykliki, ź jakimi ciapier sutykajecca Jeŭrasajuz — prablemy mihracyi, ekanamičnaja niaroŭnaść, pahroza teraryzmu i źmianieńnie klimatu, — heta vykliki i dla ZŠA, i dla inšych nacyj. I supracoŭnictva krain pa vyrašeńni hetych prablem budzie značna bolš efiektyŭnym, kali jano raspaŭsiudzicca pa ŭsioj Jeŭropie.
«Ciapier nastaŭ čas siabram i sajuźnikam trymacca razam», — zaklikaŭ Abama.
Taksama prezident padkreśliŭ, što, pracujučy razam, ZŠA, Vialikabrytanija i Jeŭrasajuz damahlisia taho, što «stahodździ vajny ŭ Jeŭropie zaviaršylisia dziesiacihodździami miru».
Pra toje, što ŭ krasaviku Abama adpravicca ŭ Łondan, kab pierakanać brytancaŭ hałasavać za toje, kab Vialikabrytanija praciahnuła zastavacca siabram Jeŭrasajuza, pisała hazieta The Independent u pačatku sakavika. Refierendum ab členstvie Brytanii ŭ ES zapłanavany na 23 červienia 2016 hoda.
U piatnicu, 22 krasavika, Abama sustreniecca ŭ Łondanie z premjer-ministram Vialikabrytanii Devidam Kemieranam.
U lutym 2016 hoda dziaržsakratar ZŠA Džon Kery zaklikaŭ Vialikabrytaniju nie pakidać Jeŭrasajuz. «Złučanyja Štaty hłyboka zacikaŭleny ŭ vašym pośpiechu, u tym, kab mocnaja Vialikabrytanija zastałasia ŭ składzie mocnaha Jeŭraźviaza», — zajaviŭ jon.
Prapahandystka ANT Natalla Stelmach źmianiła imia na Naci Ryšna i zarablaje ŭ Mieksicy na šamanach i narkatyčnych hrybach27
Kamientary