Stała viadoma, kali Nadzieju Saŭčanka abmianiajuć na bajcoŭ HRU, uziatych u pałon va Ukrainie
Maskva i Kijeŭ damovilisia pra miechanizm vyzvaleńnia lotčycy Nadziei Saŭčanka i dvuch bajcoŭ rasijskaha HRU. Ich pieradaduć adbyvać pakarańnie na radzimu sinchronna da kanca maja.
Jak paviedamiŭ RBK fiederalny čynoŭnik i paćvierdziŭ surazmoŭca, blizki da kiraŭnictva Rady Fiederacyi, Maskva pieradaść Nadzieju Saŭčanka va Ukrainu dla adbyćcia pakarańnia, a Kijeŭ viernie Rasii dvuch asudžanych vajskoŭcaŭ, Alaksandra Alaksandrava i Jaŭhiena Jerafiejeva. Hetyja pracesy buduć sinchranizavanyja, ale adbuducca tolki paśla taho, jak prysud Alaksandravu i Jerafiejevu ustupić u siłu — heta značyć nie raniej za siaredzinu maja.
Pavodle rasijskaha zakona vyrak suda ŭstupaje ŭ siłu praź dziesiać dzion paśla abviaščeńnia, kali nie byli padadzienyja apielacyjnyja skarhi, pa ŭkrainskim zakonie — praz 30 dzion. I kali sudovaje rašeńnie ŭ adnosinach da Saŭčanka ŭžo ŭstupiła ŭ siłu 5 krasavika, to prysud Alaksandravu i Jerafiejevu ŭstupić tolki ŭ siaredzinie maja, kali nie budzie da hetaha abskardžany.
«Pavinny prajści terminy pracedury abskardžańnia. Tamu da maja ŭsie paviśnie», — skazaŭ surazmoŭca ŭ Radzie Fiederacyi. Pa słovach surazmoŭcy RBK, u dalejšym akramia Saŭčanka budzie abmiarkoŭvacca abmien jašče niekalkich rasijanaŭ.
Čynoŭniki prahavarylisia, što ŭ Biełarusi zastałosia tolki 8,8 miljona čałaviek? Heta niapravilnaja vysnova8
Kamientary