Ekanamičny sud Bresckaj vobłaści 25 krasavika pryciahnuŭ da administracyjnaj adkaznaści pa č. 1-1 art. 12.7 KoAP (niezakonnaja pradprymalnickaja dziejnaść) žychara Baranavič, u jakoha źnikli papuhai.
Jak paviedamlaje pres-słužba suda, žychar rajcentra ažyćciaŭlaŭ pradprymalnickuju dziejnaść bieź dziaržaŭnaj rehistracyi. 9 lutaha ŭ rajonie nasielenaha punkta Prybałavičy Lelčyckaha rajona Homielskaj vobłaści na aŭtamabili «Opiel-Viektra» mužčyna pieramiaščaŭ kamiercyjnuju partyju ekzatyčnych ptušak u kolkaści 441 asobiny (chvalistyja papuhai, nierazłučniki, amadyny, kareły, kakaryki) na ahulnuju sumu bolš za 116 młn rubloŭ.
Jak paviedamiła pres-słužba suda, padčas pravierki ekzatyčnyja ptuški ŭ pravaparušalnika nie kanfiskoŭvalisia, a na momant składańnia pratakołu papuhai ŭ hramadzianina adsutničali.
Žychar Baranavič svaju vinu va ŭčynienym pravaparušeńni piśmova pryznaŭ i patłumačyŭ, što z parušeńniem zhodny. U sudovym pasiadžeńni pravaparušalnik rastłumačyŭ, što ptušak nabyŭ na biazvypłatnaj asnovie (jamu ich padaryli) z metach hadoŭli i dalejšaj realizacyi. U dalejšym jon płanavaŭ adkryć kramu pa prodažy ptušak i karmoŭ. Da adkryćcia kramy jon nie płanavaŭ ich pradavać.
Na pytańnie sudździ, kudy padzielisia papuhai, pravaparušalnik adkazaŭ, što jaho maci zabyłasia začynić dźviery i papuhai sabralisia ŭ zhraju i palacieli. «Hetyja papuhai byli zaŭvažanyja ŭ Baranavičach. Usie žychary fatahrafavalisia ź imi i vystaŭlali fatahrafii ŭ internecie», — pieradaje słovy žychara rajcentra pres-słužba suda.
Sud pryciahnuŭ hramadzianina da administracyjnaj adkaznaści ŭ vyhladzie štrafu ŭ pamiery dźviuch bazavych vieličyń (420 tys. rubloŭ), z kanfiskacyjaj hrašovych srodkaŭ, ekvivalentnych koštu papuhajaŭ, u sumie 116 młn rubloŭ.
Pastanova pakul nie nabyła zakonnuju moc.
Historyja z papuhajami zdaryłasia na ŭkrainska-biełaruskaj miažy ŭ lutym. Na darozie Hłuškavičy — Miłaševičy mazyrskija pahraničniki ŭ pamiežnaj zonie spynili aŭtamabil «Opiel», jakim kiravaŭ 38-hadovy žychar Baranavič. Jon pieravoziŭ 441 papuhaja. Dakumientaŭ na ptušak nie było, i pamiežniki pieradali ptušak u Lelčyckuju vieterynarnuju słužbu, a ŭ dačynieńni da pieravozčyka papuhajaŭ była raspačataja pravierka. Zatym ptuški byli pieradadzienyja na adkaznaje zachoŭvańnie žycharu Baranavič. Paśla haspadar papuhajaŭ paviedamiŭ, što ptuški palacieli. Hałoŭny vieterynarny doktar Baranavickaj vietstancyi Siarhiej Nikałajeŭ raniej paviedamlaŭ žurnalistam, što papuhajaŭ u žychara rajcentra niama i jon pryciahnuty da administracyjnaj adkaznaści na 0,5 bazavaj vieličyni za parušeńnie vieterynarna-sanitarnych pravił.
Ciapier čytajuć
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii15
Kamientary