Samaja bujnaja ŭ historyi čałaviectva technahiennaja katastrofa zdaryłasia 26 krasavika 1986 hoda ŭ 1 hadzinu 23 chviliny na čaćviortym enierhabłoku ČAES. Niahledziačy na toje što stancyja raźmieščanaja va Ukrainie, bolš za 70% usich radyjenuklidaŭ, jakija vypali ŭ vyniku avaryi, asieła na terytoryi Biełarusi.
Ad nastupstvaŭ čarnobylskaj katastrofy paciarpieła kala 2 młn. žycharoŭ Biełarusi, u tym liku bolš za paŭmiljona dziaciej. Terytoryja krainy na mnohija stahodździ stała zonaj ekałahičnaha biedstva.
Pavodle źviestak Biełstata, na 1 studzienia 2016 hoda ŭ zonie radyjeaktyŭnaha zabrudžvańnia znachodziŭsia 2.371 nasieleny punkt. Kolkaść nasielnictva, jakoje pražyvaje ŭ hetaj zabrudžanaj zonie, składała 1 młn. 141,8 tys. čałaviek (12% kolkaści nasielnictva krainy).
Biełaruskija ŭłady majuć namier adradzić paciarpiełyja ziemli, zrabić ich prydatnymi dla pražyvańnia i vyroščvańnia praduktaŭ charčavańnia — pra heta zajaviŭ ministr zamiežnych spraŭ Uładzimir Makiej, vystupajučy 25 krasavika ŭ Minsku na mižnarodnaj kanfierencyi, arhanizavanaj biełaruskim uradam i Prahramaj raźvićcia AAN. Prezident i ŭrad, pavodle słoŭ Makieja, «dumajuć pra toje, kab byŭ zabiaśpiečany žorstki radyjacyjny kantrol nad vyrablenaj pradukcyjaj, u tym liku na ziemlach, jakija ŭ svoj čas paciarpieli ad čarnobylskaj katastrofy».
Udzielniki kanfierencyi — pradstaŭniki ŭradaŭ Biełarusi, Rasii, Ukrainy, AAN, Jeŭrasajuza, ABSIE, MAHATE, SAAZ, JUNISIEF i inšych arhanizacyj — pryniali dekłaracyju, u jakoj pryjarytetam mižnarodnaha čarnobylskaha supracoŭnictva nazvanyja reabilitacyja i ŭstojlivaje raźvićcio paciarpiełych terytoryj.
Suprać haspadarčaha asvajeńnia i zasialeńnia zabrudžanych terytoryj vystupajuć pradstaŭniki biełaruskaj apazicyi i ekołahi. Jany taksama patrabujuć ad uładaŭ spynić budaŭnictva Biełaruskaj AES, raskryć praŭdzivuju infarmacyju pra nastupstvy avaryi na ČAES u Biełarusi, zabiaśpiečyć sistemny i dastupny hramadzianam radyjełahičny kantrol. Usie hetyja patrabavańni buduć vystaŭlenyja padčas tradycyjnaj akcyi «Čarnobylski šlach», jakaja projdzie siońnia ŭviečary ŭ Minsku.
Jak paśla kanca śvietu. Ahrasiadzibu ŭ Salihorskim rajonie zaniesła ziamloj3
Kamientary