Siońnia ranicaj čynoŭniki adeskaj meryi nie zmahli trapić na svaje pracoŭnyja miescy: pratestoŭcy na Dumskaj płoščy zabłakavali šynami ŭsie try ŭvachody ŭ budynak, paviedamlaje haradski sajt dumskaya.net.
Jak adznačajuć aktyvisty, takija dziejańni — pomsta za načny razhrom namiotavaha haradka.
Hałoŭny ŭvachod u budynak zabarykadavali śmiećcievymi bakami, šynami i płotam.
Pa słovach udzielnikaŭ akcyi pratestu, siońnia nočču hrupa mužčyn padjechała na aŭtobusie da miesca biesterminovaha pikietu i pačała źbivać demanstrantaŭ. Niekalkich napadnikaŭ udałosia zatrymać.
Demanstranty śćviardžajuć, što razbłakujuć budynak haradskoj administracyi tolki paśla adstaŭki mera.
Akcyi pratestu la budynka administracyi Adesy (Ukraina) z patrabavańniem zvalnieńnia mera horada Hienadzia Truchanava pačałasia 10 krasavika. Nahodaj dla biesterminovaha pikietu stali dadzienyja rasśledavańnia telekanała 24 na asnovie «Panamskaha archiva».
Z rasśledavańnia vynikaje, što ŭ Truchanava i jaho atačeńnia jość bolš za 20 afšornych firmaŭ na Brytanskich Virhinskich astravach, pryčym u jakaści hramadzianstva pry ich rehistracyi adeski mer padaŭ rasijskaje.
Jak paśla kanca śvietu. Ahrasiadzibu ŭ Salihorskim rajonie zaniesła ziamloj3
Kamientary