Telekanał Showtime apublikavaŭ śpis akcioraŭ, jakija źnialisia ŭ novym siezonie adrodžanaha sieryjała «Tvin Piks». Siarod 217 udzielnikaŭ prajekta — Monika Biełučy i Cim Rot, paviedamlaje Variety. Premjera novych epizodaŭ adbudziecca ŭ 2017 hodzie.
U sieryjale taksama ŭpieršyniu zhulajuć Naomi Ŭots, Džym Biełuši, Amanda Sajfred, Ešli Džad, Erni Chadsan, Edzi Vieder i Trent Reznar.
Da svaich rolaŭ viernucca niekatoryja akciory, jakija źnialisia ŭ pieršych dvuch siezonach «Tvin Piks»: Devid Duchoŭny, Kajł Makłokłan, Šerył Li, Devid Patryk Keli i Šerylin Fien.
Novy «Tvin Piks», jaki zdymaje Devid Linč - praciah aryhinalnaha sieryjała i, jak padkreślivajuć pradziusary, jaho treci siezon (pakaz papiaredniaha zaviaršyŭsia ŭ 1991 hodzie).
***
«Tvin Piks» tranślavaŭsia na amierykanskim kanale ABC z krasavika 1990-ha. Jon uklučaje 30 sieryj. Siužet razhortvajecca vakoł zabojstva školnicy Łory Pałmier (Šerył Li), jakoje rasśleduje śpiecahient FBR Dejł Kupier (Kajł Makłokłan).
U 1992 hodzie vypuścili poŭnamietražny film «Tvin Piks: Skroź ahoń» (Twin Peaks: Fire Walk with Me), jaki raspaviadaje pieradhistoryju sieryjała. Karcina atrymała admoŭnyja vodhuki krytykaŭ i nie akupiłasia ŭ prakacie.
Jak paśla kanca śvietu. Ahrasiadzibu ŭ Salihorskim rajonie zaniesła ziamloj3
Kamientary