Dvum zatrymanym ravarystam pahražaje da 6 hod źniavoleńnia
Ravarystam ź Minska Stanisłavu Kanavałavu i Dźmitryju Palijenku budzie pahražać da 6 hod źniavoleńnia za chulihanstva, kali ich spravy dojduć da sudu.
Pavodle zakrytaha ŭładami centra «Viasna», u minskaj haradskoj milicyi na dvuch udzielnikaŭ rovarnaj akcyi «Krytyčnaja masa», jakaja prachodziła ŭ Minsku 29 krasavika i była spynienaja milicyjaj, zaviedzienyja kryminalnyja spravy pavodle 2 častki 339 artykułu Kryminalnaha kodeksu. Heta artykuł pra akazańnie supracivu supracoŭniku milicyi, jaki spyniaje chulihanstva.
Ranicaj 2 maja ŭ minskaj haradskoj milicyi infarmacyju pra zaviadzieńnie kryminalnych spraŭ na Stanisłava Kanavałava i D́mitryja Palijenku nie paćvierdzili, ale i nie abvierhli.
«Źviestki jość, ale ich treba jašče ŭzhadnić», — skazaŭ kiraŭnik pres-słužby HUUS Minska Alaksandr Łastoŭski.
29 krasavika ŭ Minsku byli zatrymanyja bolš za 10 ravarystaŭ, jakija sabralisia na akcyju «Krytyčnaja masa» z metaj prademanstravać uładam niedachopy rovarnaha ruchu pa vulicach horada. Pavodle zatrymanych ravarystaŭ, ź imi abychodzilisia vielmi žorstka, u tym liku źbivali. Bolšaść zatrymanych adpuścili, ale Stanisłava Kanavałava i Dźmitryja Palijenku pakinuli ŭ pastarunku.
Pa źviestkach spring96.org, 30 krasavika ŭ kvatery Stanisłava Kanavałava adbyŭsia pieratrus, u jaho zabrali ćviordy dysk kampjutara. Tady ž stała viadoma pra pahrozu zaviadzieńnia na ravarysta kryminalnaj spravy za chulihanstva.
Ciapier čytajuć
U Sibiry zaharełasia i abrynułasia buravaja vyška «Biełarusnafty»2
U Sibiry zaharełasia i abrynułasia buravaja vyška «Biełarusnafty»
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu1111
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu11
«Ja skazaŭ na videa, što mianie nie katujuć — na toj momant heta było praŭdaj. A praź dźvie hadziny mianie źbili». Ukrainski žurnalist dva hady pravioŭ u rasijskim pałonie — voś što jon pieražyŭ11
Kamientary