Двум затрыманым раварыстам пагражае да 6 год зняволення
Раварыстам з Мінска Станіславу Канавалаву і Дзмітрыю Паліенку будзе пагражаць да 6 год зняволення за хуліганства, калі іх справы дойдуць да суду.
Паводле закрытага ўладамі цэнтра «Вясна», у мінскай гарадской міліцыі на двух удзельнікаў роварнай акцыі «Крытычная маса», якая праходзіла ў Мінску 29 красавіка і была спыненая міліцыяй, заведзеныя крымінальныя справы паводле 2 часткі 339 артыкулу Крымінальнага кодэксу. Гэта артыкул пра аказанне супраціву супрацоўніку міліцыі, які спыняе хуліганства.
Раніцай 2 мая ў мінскай гарадской міліцыі інфармацыю пра завядзенне крымінальных спраў на Станіслава Канавалава і Дьмітрыя Паліенку не пацьвердзілі, але і не абверглі.
«Звесткі ёсць, але іх трэба яшчэ ўзгадніць», — сказаў кіраўнік прэс-службы ГУУС Мінска Аляксандр Ластоўскі.
29 красавіка ў Мінску былі затрыманыя больш за 10 раварыстаў, якія сабраліся на акцыю «Крытычная маса» з мэтай прадэманстраваць уладам недахопы роварнага руху па вуліцах горада. Паводле затрыманых раварыстаў, зь імі абыходзіліся вельмі жорстка, у тым ліку збівалі. Большасьць затрыманых адпусцілі, але Станіслава Канавалава і Дзмітрыя Паліенку пакінулі ў пастарунку.
Па звестках spring96.org, 30 красавіка ў кватэры Станіслава Канавалава адбыўся ператрус, у яго забралі цьвёрды дыск камп'ютара. Тады ж стала вядома пра пагрозу завядзення на раварыста крымінальнай справы за хуліганства.
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары