Turcyja admianiła vizy dla hramadzian krain Šenhienskaj zony ŭ ramkach pahadnieńnia ab uzajemnaj libieralizacyi vizavaha režymu. Hetaja miera pačnie prymianiacca paśla taho, jak Jeŭrasajuz admienić vizy dla hramadzian Turcyi.
4 maja Jeŭrakamisija razhledzić spravazdaču ab vykanańni Turcyjaj 72 kryteraŭ dla biaźvizavaha režymu i zatym moža rekamiendavać admianić vizy dla hramadzian Turcyi.
Adnak heta adbudziecca tolki ŭ tym vypadku, kali Ankara vykanaje ŭsie vystaŭlenyja da jaje patrabavańni, u tym liku jakija datyčacca spabornaści palityčnych siłaŭ, svabody słova i palityčnych pravoŭ roznych mienšaściaŭ.
Pa słovach dypłamataŭ, Turcyja vykanała tolki pałovu z hetych umoŭ.
Rašeńnie ab uviadzieńni biaźvizavaha režymu z Turcyjaj źjaŭlajecca častkaj damoŭlenaści pamiž Brusielem i Ankaroj, u ramkach jakoha Turcyja pahadziłasia prymać mihrantaŭ, viernutych z Hrecyi, kudy jany prybyli nielehalna z tureckaj terytoryi.
Pavodle hetaj damovy, Turcyja taksama pavinna atrymać ad Jeŭrasajuza 3 miljardy jeŭra.
Hałoŭny ideołah Biełarusi znajšoŭ u krainie «psieŭdapatryjatyčnyja jačejki» i zaklikaŭ da zmahańnia ź imi «adzinym bajavym kułakom»23
Kamientary