Na terytoryi Kitajska-biełaruskaha industryjalnaha parka «Vialiki kamień» 8 maja adbyłasia ŭračystaja cyrymonija pačatku budaŭnictva navukova-daśledčaha centra i vytvorčaj bazy pa vyrabie supierkandensataraŭ dla elektrobusaŭ.
Prajekt realizuje TAA «Čendu Sińdžu Šaŭkovy Šlach Raźvićcio».
Supierkandensatary, vyrablenyja na pradpryjemstvie, buduć vykarystoŭvacca «Biełkamunmašam» dla elektrobusaŭ, tralejbusaŭ i tramvajaŭ.
Prajekt budzie realizavany na ziamielnym učastku płoščaj 1,1 ha, dzie pabudujuć 20 tysiač kvadratnym mietraŭ vytvorčych płoščaŭ. Paśla vychadu pradpryjemstva na prajektnuju mahutnaść hadavy abjom jaho pradukcyi pavinien skłaści 400—600 miljonaŭ dalaraŭ.
Padčas cyrymonii byŭ prezientavany tralejbus 43303A VitovtMaxDuo, na bazie jakoha «Biełkamunmaš» budzie vyrablać elektrobusy.
Čakajecca, što dva takija transpartnyja srodki źjaviacca ŭ stalicy Biełarusi ŭžo ŭ śniežni hetaha hoda.
Kamientary