Zabaronienyja Minskam haŭbicy i rasijskaja REB trapili ŭ abjektyŭ bieśpiłotnika na Danbasie i pad ahoń ukrainskich minamiotaŭ
Batareja 152-mm haŭbic «Hiacynt» i rasijskaja sistema radyjoelektronnaj baraćby R-330Ž «Žitiel» byli sfatahrafavanyja ŭ kancy sakavika ŭkrainskim bieśpiłotnikam pad Danieckam, śviedčać apublikavanyja dakumienty.
Jany znachodzilisia ŭ zonie, u jakoj, pavodle Minskich pahadnieńniaŭ, zaklučanych pamiž Ukrainaj i kiraŭnictvam rasijskich bajevikoŭ, było zabaroniena prysutnaść bujnakalibiernaj artyleryi.
Pa vyjaŭlenaj pazicyi ŭkrainskija vojski nanieśli minamiotny ŭdar, u vyniku jakoha praciŭnik panios straty. Pra heta piša redaktar partała Cenzar.NIET Jury Butusaŭ, spasyłajučysia na słovy pradstaŭnika «ministerstva abarony DNR» Eduarda Basuryna, jakija patrapili ŭ rolik «Łajf ńjus» pra zachopleny ŭkrainski bieśpiłotnik «Furyja».
« - Učora jon vioŭ karektyroŭku ahniu, tut znachodziacca pazicyi, tak zvanaja pramzona… U nas jość zahinułyja, ale heta nie ŭ nas, a ŭ siłavych strukturach. Jość troje zahiŭłych, piać atrymali ranieńni ŭ vyniku minamiotnaha abstreła», - skazaŭ Basuryn.
Pa mierkavańni Juryja Butusava, ahavorka Basuryna śviedčyć, što hetyja straty panieśli nie vojski «DNR», a niepasredna aficery i žaŭniery armii RF.
Epizod demanstruje nie tolki prysutnaść jak minimum rasiejskaha ŭzbrajeńnia ŭ bajavikoŭ, ale i toje, što vajna na Danbasie daŭno stała davoli vysokatechnałahičnaj vajnoj artyleryi, bieśpiłotnikaŭ, kompleksaŭ radioelektronnaj baraćby, dyviersijna-raźviedvalnych hrup.
Ciapier čytajuć
Chto toj chłopiec, jaki čakaŭ dziaŭčynu pad daždžom u Minsku? Vy dakładna bačyli toje ramantyčnaje videa14
Kamientary