Alaksandr Łukašenka ŭ intervju žurnalistam patłumačyŭ matyvy svajho vizitu ŭ Italiju i Vatykan.
«Italija zaŭsiody nas padtrymlivała u samyja ciažkija časy. Italija i Vatykan (ja im padziakavaŭ za heta) vielmi šmat zrabili dla taho, kab my adnavili narmalnyja adnosiny ź Jeŭrasajuzam.
My hetamu ŭdzialili peŭnuju častku času, asabliva z prezidentam Italii. I heta pryčyna majho vizitu na hetuju dobruju i śviatuju ziamlu. Ja prosta pavinien byŭ padziakavać hetym ludziam za razumieńnie taho, što adbyvajecca ŭ Biełarusi, i za narmalizacyju hetych adnosin», — zajaviŭ Alaksandr Łukašenka.
Što tyčycca pierśpiektyŭ raźvićcia biełaruska-italjanskaha supracoŭnictva, kiraŭnik krainy nazvaŭ ich vielmi dobrymi. Pra heta śviedčać i pazityŭnyja vodhuki z boku kiraŭnictva Italii. Siońnia ŭžo jość prapanovy i ŭzajemnaje žadańnie viarnucca da tych prajektaŭ, ab jakich baki kaliści damaŭlalisia.
Siarod ich — stvareńnie ŭ rajonie Bresta italjanskaha pramysłovaha parku.
Jak adznačyŭ Łukašenka, Biełarusi taksama cikavy vopyt Italii ŭ raźvićci małych i siarednich pradpryjemstvaŭ, jakija adyhryvajuć daminujučuju rolu ŭ italjanskaj ekanomicy. «Razmova była praciahłaj (z prezidentam Italii Serdžya Matarełam), i ja pierakanany, što jon skončyŭsia na pazityŭnaj nocie z punktu hledžańnia pierśpiektyŭ. Upeŭnieny, što biełaruski narod u bližejšy čas ŭbačyć i adčuje hetyja pierśpiektyvy», - reziumavaŭ biełaruski lidar.
Ciapier čytajuć
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»1
Kamientary