Strachavyja kampanii reahujuć na źmieny ŭ śfiery biaśpieki turystaŭ chutčej, čym turapieratary. Strachavyja polisy polskich kampanij pačali ŭklučać strachoŭku na vypadak teraktu. Pra heta piša Radyjo Polšča sa spasyłkaj na Dziennik Gazeta Prawna.
Pavodle vydańnia, ad teraktaŭ možna zastrachavacca ŭ kampanijach PZU, Unica, Europa, Warta i Axa. Varta adznačyć, što detali strachavańnia na vypadak teraktu ŭ roznych kampanijach mohuć adroźnivacca.
U firmie PZU adkaznaść strachoŭščyka zaležyć ad uzroŭniu terarystyčnaj pahrozy ŭ toj ci inšaj dziaržavie. Akramia taho, značeńnie maje toje, ci nie ŭklučanaja dziaržava ŭ śpis niebiaśpiečnych krain, składzieny MZS Polščy.
Akramia taho, košt strachoŭki moža być značna vyšejšy ŭ vypadku krain, raźmieščanych na terytoryjach, jakija znachodziacca pad pahrozaj teraktaŭ abo vajennych dziejańniaŭ.
Kamientary