U Minsku ŭ hetyja vychadnyja prachodziać adzinyja dni źnižak i stokovy kirmaš kala Pałaca sportu
U Minsku 28 i 29 maja prachodziać adzinyja dni źnižak i stokovy kirmaš, paviedamiła pres-słužba hałoŭnaha ŭpraŭleńnia spažyvieckaha rynku Minharvykankama.
Źnižki pakupnikam na ŭsie niecharčovyja tavary dajuć univiermahi i inšyja staličnyja handlovyja pradpryjemstvy.
Tak, u subotu i niadzielu źnižki 20% prapanujuć handlovy dom «Na Niamizie» i handlovy dom «Dziujmovačka» (vulica Prytyckaha, 40), źnižki 15% — kramy «Lanok» (praśpiekt Niezaležnaści, 46), «santechabstalavańnie» (vulica Ščarbakova, 30), «Domaluks» (zavułak Rabočy, 5; vulica Vałhahradskaja, 5), «Śvitanak» (praśpiekt Niezaležnaści, 3-2; vulica Bielskaha, 10; vulica Jasienina, 76), źnižki 10% — «Dziciačy śviet» na Łahojskim trakcie, 25/1.
28 maja univiermah «Biełaruś» i krama «Vieranika» prapanujuć źnižki 20%, CUM «Minsk» — 17%, kramy «Kryštal» (praśpiekt Niezaležnaści, 39), «Kirmaš» i «Łahojski trakt» (vulica Jakuba Kołasa, 67) — 15%.
29 maja kramy «Zrabi sam» (vulica Bahdanoviča, 48; vulica Pieršamajskaja, 24/1; vulica Panamarenki, 32) prapanujuć pakupnikam źnižki 10%.
Akramia taho, 28 i 29 maja źnižki na tavary asobnych vytvorcaŭ prapanujuć: HUM — da 30%; kramy «Vilnius-1» (vulica Kalinoŭskaha, 55), «Sandryk» (praśpiekt Haziety «Praŭda», 40), «Start-Ch» (vulica Daŭhabrodskaja, 26), «Palmira» (vulica Šuhajeva, 3/1) — 15%.
Handlovy centr «Stalica» na płoščy Niezaležnaści taksama dałučycca da akcyi 28 i 29 traŭnia. Kramy ŭ handlovym centry prapanujuć źnižki ad 3 da 50% na zołata, sierabro, hadzińnik, bižuteryju, žanočaje adzieńnie, abutak i inš.
Akramia hetaha, 28 i 29 maja z 10.00 da 17.00 adbudziecca čaćviorty śpiecyjalizavany kirmaš stokavych niecharčovych tavaraŭ u rajonie Pałaca sportu (praśpiekt Pieramožcaŭ, 4).
U rasprodažy ŭdzielničajuć pradpryjemstvy kancerna «Biellehpram» i inšyja ajčynnyja vytvorcy — bolš za 70 udzielnikaŭ: Aršanski lnokambinat, «Sukno», «Elema», «Kalinka», «Kupalinka», «8 Sakavika», «Alesia», «Svitanak»,»Viaśnianka», «Mahateks», «Kamvol», «Paleśsie», «Stužka», Centr mody, «Hałanteja», «BiełKreda», «Romhil-teks», «Fajbiertiek», «Otyka», «Pramień», «Navita» i inšyja.
Vytvorcy prapanujuć jak tavary z kalekcyj, nie realizavanych u siezon, tak i novyja madeli. Na adnoj placoŭcy možna budzie nabyć tavary roznych hrup sa źnižkami bolš za 30%.
Kamientary