Libiertaryanskaja partyja ZŠA vyłučyła pretendenta na Bieły dom, jaki stanie supiernikam kandydataŭ ad Respublikanskaj i Demakratyčnaj partyj na bližejšych prezidenckich vybarach
Źjezd Libiertaryanskaj partyi vyłučyŭ na pasadu prezidenta ZŠA byłoha hubiernatara štata Ńju-Mieksika Hary Džonsana. U chodzie hałasavańnia jon nabraŭ bolš za 55%, bolš čym u dva razy apiaredziŭšy bližejšaha kankurenta, paviedamlaje Fox News.
Kandydatam na pasadu vice-prezidenta ŭdzielniki źjezda abrali byłoha hubiernatara Masačusietsa Uiljama Uełda, jaki da niadaŭniaha času byŭ členam Respublikanskaj partyi ZŠA, adnak u svaim niadaŭnim zajavie paviedamiŭ, što «z kožnym dniom stanovicca ŭsio lepšym libiertaryjancam».
Politico adznačaje, što Uełd budzie nieabchodny dla vybarčaj kampanii, bo ŭ jaho byŭ dośvied zboru hrošaj dla kandydata Mita Romni. Što tyčycca pierśpiektyŭ Džonsana, to, na dumku, aŭtaraŭ vydańnia, jany zmohuć pieraciahnuć častku hałasoŭ respublikancaŭ, niezadavolenych žorstkaj rytorykaj Donalda Trampa. Džonsan u chodzie svaich pieradvybarnych vystupleńniaŭ užo krytykavaŭ respublikanskaha kandydata, nazvaŭšy jaho płany pa ŭzmacnieńni žorstkaści mihracyjnaj palityki «zvyčajnym rasizmam». Uełd u svaju čarhu nazvaŭ miljardera «fašystam».
Džonsan apošnija hady zajmaŭsia biznesam. U pryvatnaści jon byŭ vykanaŭčym dyrektaram kampanii Cannabis Sativa ź Nievady, jakaja zajmałasia prodažam miedycynskaj marychuany ŭ tych štatach, dzie heta dazvolena zakanadaŭča.
Kamientary