Pravasłaŭny manach: Bieł-čyrvona-biełyja kolery – heta kolery Chrystovaj płaščanicy
Pravasłaŭny manach-paet a. Iaan, viadomy pad paetyčnym psieŭdanimam Źnič, jakoha niekali dobra viedali ŭ kołach minskaj intelihiencyi jak Aleha Biembiela, niadaŭna pierakročyŭ 76-hadovuju miažu i prezientavaŭ novuju knihu vieršaŭ «Šlacham sumoŭja».
U svoj čas ciapierašni nasielnik Žyrovickaha Uśpienskaha manastyra byŭ zvolnieny ź Instytuta fiłasofii i prava jak dysident paśla taho, jak u Łondanie vyjšła jaho praca «Rodnaje słova i maralna-estetyčny prahres». U 1988 hodzie razam ź Zianonam Paźniakom jon adstojvaŭ Kurapaty. U manastyry jon nie kidaje zaniatki nie tolki paezijaj, ale i muzykaj – hraje na fartepjana Ahinskaha i Šapena, raspaviadaje Radyjo Racyja.
Śviet, na dumku manacha Iaana, zbočyŭšy sa šlachu pabožnaści, naturalnym čynam stupiŭ na šlach, jaki viadzie da kravapralićcia: «Usio bolšaja kolkaść rodu čałaviečaha žyvie nie pa duchoŭnych zapaviedziach, a pa svaim svoječyńni, žarściach hrachoŭnych. Achaładžeńnie Lubovi. I voś, jak vynik, toje, što ciapier tvorycca ŭ śviecie. Krovapralićcie, što zalivaje ŭsie kantynienty».
Znak nadziei dla Biełarusi a. Iaan bačyć u kolerach jaje nacyjanalnaha ściaha: «Bieł-čyrvona-bieły kolery – heta kolery Chrystovaj płaščanicy. Biełaruś imi pakrytaja jak nacyjanalnym ściaham. Dziaržaŭnyja kolery mianiajucca ŭ zaležnaści ad palityčnaj situacyi, a pad kolerami Chrystovaj płaščanicy plamiony pojduć i na Strašny sud».
Havoračy pra svaje paetyčnyja tvory, nasielnik Žyrovickaha klaštara padkreślivaje, što mova – «najvyšejšy Božy dar kožnamu plemieni. U movie zakładziena ŭsia siła Božaha słova. Tut taksama hrešny manach sprabuje pieradać muzyku movy ŭ svaich ryfmuarach».
Adkazvajučy na zvyčajnaje pytańnie ab tym, jak u šlachu adnaho čałavieka mahli spałučycca roznyja ipastasi – student kansiervatoryi, paet-fiłosaf, aktor, manach, – a. Iaan kaža: «U muzycy jość paniaćcie «palifonija» — šmathałośsie. Kožnaj dušy dadzienyja peŭnyja talenty. I kožnaja duša pavinna viarnuć Hospadu ich z prybytkam. I čym bolš dadziena, tym bolš spahonicca. I voś pa miery sił u «šmathałośsi» sprabuju ich trymać».
-
Stała viadoma, kamu naležyć vytančanaje francuzskaje bistro ŭ Minsku. Vam nie spadabajecca
-
U Polščy pradstavili jašče adzin zakonaprajekt ab hramadzianstvie: 15 hadoŭ žyćcia ŭ krainie, polskaja na ŭzroŭni S1 i daviedka ab niesudzimaści na radzimie
-
«Mielnikava nie abaviazkova ahientka KDB, jana moža być achviaraj. A Łabiejeŭ jaje kupiŭ tym, što nazvaŭsia adzinokim baćkam ź dziećmi»
Kamientary