Pryjechaŭ načalnik Salihorskaha RUUS, pasadziŭ Milinkieviča ŭ «Samand» i pavioz u RUUS. Sud nad lideram Ruchu «Za svabodu» doŭžyŭsia ŭsiaho dziesiać chvilinaŭ. + Fota
Ciapier praviarajuć, ci nie znachodzicca mašyna ŭ vyšuku, ci nie šukaje jaje Interpoł, FSB, na horšy vypadak, ci nie była jana ŭ DTZ.
Vyhladaje na toje, što jak učora, daviadziecca łavić paputku. Učora na vyjeździe sa Smalavičaŭ mašyna, jakoj jechaŭ eks‑kandydat u prezydenty, taksama była kanfiskavanaja, i ŭ Łahojsk daviałosia dabiracca padarožnymi aŭto.
Što da Salihorsku, to tut Alaksandar Milinkievič pravioŭ niekalki sustreč. Na rynku sabrałasia 50‑60‑čałaviek. Pryčym spačatku Milinkievič staŭ hutaryć z paraj čałaviek, ale koła vakoł jaho za ličanyja chviliny vyrasła da niekalki dziasiatkaŭ čałaviek.
U horadzie šachcioraŭ u adzinaha kandydata była «niakiepskaja achova»: za Alaksandram Uładzimieravičam chadziŭ lohki natoŭp ź dziesiaci milicyjantaŭ. Jak u Papy Rymskaha, -- žartujuć miascovyja aktyvisty.
Cikavy štryšok. Usia milicyja ŭ Salihorsku raśsiakaje na «Samandach». Niekatoryja mienčuki i haradziency pieršy raz pabačyli hety cud iranskaha aŭtapramu.
* * *
15:45 Milinkieviča prosiać praśledavać u Salihorski RUUS. Adziny kandydat z paplečnikami i žurnalistami nie paśpieŭ źjechać u Słucak, zamovili i čakali pryjezdu taksi.
Milicyjanty kažuć, maŭlaŭ, pastupiła skarha ad ludziej, što "chodit kakoj‑to čiełoviek po rynku i za čto‑ta ahicirujet". Milinkievič pačynaje kačać pravy: «Pakažycie, aficyjnuju papieru». Milicyjantaŭ usio bolšaje, pahražajuć užyć fizyčnuju siłu. Milinkievič staić na svaim: «Albo papiera, abo biarycie siłaj».
15:57 Pryjechaŭ načalnik Salihorskaha RUUS Zacharčuk i skazaŭ, što palityk buduć inkryminavać art. 23.34 Administracyjnaha kodeksu (parušeńnie praviadzieńnia masavych akcyj).
Alaksandra Milinkieviča pasadzili ŭ "Samand" i pavieźli ŭ RUUS.
16:15 Alaksandar Milinkievič patelefanavaŭ svajmu namieśnik Alaksieju Kavalcu i skazaŭ, što jaho zatrymali z aficyjnaj farmuloŭkaj: "Arhanizacyja niesankcyjanavanaj akcyi zaŭtra 16 traŭnia". Jamu taksama inkryminujuć razdaču ulotak na hałoŭnym praspekcie horadu.
Sud nad lideram Ruchu "Za svabodu" projdzie siońnia ŭ rajonnym sudzie.
18:02 Milinkieviča pryvieźli ŭ sud. U budynak nikoha nie puskajuć: maŭlaŭ, režymny abjekt, pracoŭny čas skončyŭsia i ŭsio takoje.
Darečy sam Alaksandar Uładzimieravič paprasiŭ, kab sud adbyŭsia siańnia.
18:26 Usio ž achvotnych prapuścili ŭ zalu sudu.
18:48 Lider Ruchu "Za Svabodu" aštrafavany na 20 b.v. (700 tys. rubloŭ). Jaho pryznali vinavatym (punkt 23.34 administracyjnaha kodeksu) ŭ raspaŭsiudzie ŭlotak z zaklikam na akcyju 16 traŭnia. Śviedkami vystupili dva handlary pałatak, jakich, pavodle ich znajomych, prosta zmusili falšyva śviedčyć.
Sudździom byŭ Buraŭcoŭ.
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal7
Kamientary