Rasija sprabuje razburyć asnovy Jeŭrapiejskaha Sajuza, ličyć prezident Bałharyi Rosien Pleŭnielijeŭ.
Pra heta jon zajaviŭ u sieradu, vystupajučy ŭ Jeŭrapiejskim parłamiencie, pieradaje «Jeŭrapiejskaja praŭda».
Pavodle jaho słoŭ, kryzis va Ukrainie pakazaŭ, što Rasieja «nie padtrymlivaje pryncypaŭ mižnarodnaha paradku».
«Kreml suprać nas i sprabuje destabilizavać situacyju ŭ ES. Jon sprabuje razburyć i abrynuć asnovy Jeŭrapiejskaha Sajuza, takija jak adzinstva, salidarnaść i viaršenstva zakona», — padkreśliŭ prezident Bałharyi.
Pleŭnielijeŭ adznačyŭ, što jon spadziajecca, što nie budzie novaj chałodnaj vajny, ale dziejańni Rasiei va Ukrainie pryviali da «chałodnaha miru», dzie nichto nie choča vajny, ale dzie ŭsio jašče jość kanflikty i kanfrantacyi.
Jon taksama padkreśliŭ, što nielha prymać umiašańnie RF va Ukrainie jak fakt.
«Kali Zachad dazvolić heta, heta budzie histaryčnaja hańba», — skazaŭ Pleŭnielijeŭ.
«Dla mianie, dla nas Krym — heta Ukraina, a Ukraina — heta Jeŭropa!» — padkreśliŭ jon.
Nahadajem, raniej paviedamlałasia, što prezident Bałharyi padtrymlivaje praciah sankcyj suprać Rasiei.
Ciapier čytajuć
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama3131
Kamientary