Historyk: U vajenna-stratehičnym sensie Biełaruś ciapier ujaŭlaje taki samy «bałkon», jakim u 1815—1914 było Carstva Polskaje — karty
Piša historyk Andrej Vaškievič.
Voś źviarnuŭ uvahu na takoje padabienstva. Karta Rasijskaj Impieryi 1914 hoda (u našaj častcy jana była niaźmiennaj ad 1815 hoda, cełaje stahodździe) i sučasnaja karta supolnaj vajskovaj prastory Rasii i Biełarusi.
I sto hadoŭ tamu i ciapier Rasija mieła taki klin, ubity ŭ Jeŭropu. Tady z Carstva Polskaha płanavalisia naskok na Bierlin, adsiakańnie Uschodniaj Prusii dy Halicyi. Ciapier z našaha biełaruskaha klina možna płanavać naskok na Varšavu, adsiakańnie Prybałtyki dy Ukrainy. Sto hadoŭ tamu Rasija napoŭnicu pasprabavała skarystacca hetym klinam i paciarpieła paražeńnie pa ŭsich frantach, straciŭšy ŭ dadatak i ŭsio Carstva Polskaje. Jak budzie ciapier nichto nie viedaje, ale abodva błoki, vidać, rychtujucca hruntoŭna.
Nu i jak nie skazać pra palityčny momant. Palaki ŭ 1815 hodzie mieli ad Rasii kudy bolej, čym jany mieli ad jaje ŭ 1915 h. Dva paŭstańni pakinuli hłyboki śled u polskaj patryjatyčnaj śviadomaści, ale zbolšaha zabrali ŭ palakaŭ usio, što jany mieli jak aŭtanomija pad Alaksandram I — svaju armiju, hrošy, sojm… A paŭstała Polšča ŭ XX st. u vyniku: 1) vialikaj patryjatyčna-vychavaŭčaj pracy ŭnutry hramadstva, 2) dosyć mocnaj pramysłovaści i haspadarki, 3) suśvietnaj vajny, jakaja złamała staruju kartu Jeŭropy.
Tamu, siabry, treba vielmi mocna dumać, što nam rabić dalej, kab Biełaruś u hetym stahodździ zachavałasia na karcie Jeŭropy.
Jak paśla kanca śvietu. Ahrasiadzibu ŭ Salihorskim rajonie zaniesła ziamloj3
Kamientary