Mižnarodnaja kanfiederacyja prafsajuzaŭ nazvała Biełaruś siarod najhoršych krain dla pracoŭnych
Mižnarodnaja kanfiederacyja prafsajuzaŭ (MKP) nazvała najhoršyja krainy dla pracoŭnych ŭ 2016 hodzie.
Hłabalny indeks MKP pa pravach ranžyruje 141 krainu pa 97 mižnarodna-pryznanym kryteram z metaj acanić stupień abarony pracoŭnych jak na zakanadaŭčym uzroŭni, tak i na praktycy.
«My stanovimsia śviedkami skaračeńnia demakratyčnaj prastory i rostu nieabaronienaści, strachu, zapałochvańnia pracoŭnych. Chutkaść, ź jakoj hienierujucca ataki na pravy, navat u demakratyčnych krainach z prapanovami finskaha ŭradu i novym zakonam ab prafsajuzach u Vialikabrytanii, śviedčyć pra tryvožnyja tendencyi dla pracoŭnych i ich siemjaŭ», — zajaviŭ Šaran Baroŭ, hienieralny sakratar MKP.
Blizki Uschod i Paŭnočnaja Afryka iznoŭ stali najhoršym rehijonam dla pracoŭnych, dzie sistema «kafała» u krainach Piersidskaha zaliva, pry jakoj pracadaŭca afarmlaje vizy mihrantam, ale adbiraje ŭ ich pašparty, pieratvaraje ŭ raboŭ miljony pracoŭnych. Ź inšaha boku, situacyja z pravami ŭ Jeŭropie, tradycyjna lepšym za inšyja rehijony, praciahvaje paharšacca.
Hłabalny indeks pa pravach 2016 hoda ranžyruje krainy pa piacibalnaj škale adnosna 97 indykataraŭ, a ahulny rejtynh adnosić krainu da adnoj z 5 katehoryj.
1. Adnarazovyja parušeńni pravoŭ: 13 krain, uklučajučy Hiermaniju i Uruhvaj
2. Paŭtornyja parušeńni pravoŭ: 22 krainy, uklučajučy Irłandyju i Japoniju
3. Rehularnyja parušeńnia pravoŭ: 36 krain, uklučajučy Izrail i Aŭstraliju
4. Sistemnyja parušeńni pravoŭ: 27 krain, uklučajučy Polšču i ZŠA
5. Adsutnaść harantyj pravoŭ: 27 krain, uklučajučy Biełaruś, Kitaj i Nihieryju
5+. Adsutnaść harantyj pravoŭ praz razburanuju sistemu viaršenstva zakona: 10 krain, uklučajučy Burundzi, Palestynu i Siryju.
Ciapier čytajuć
U dakumientach pa «spravie Epštejna» znajšli ślady bujnych hrašovych pieravodaŭ u Minsk. Znoŭ uspłyło imia Karyny Šulak11
Kamientary