Vystava «Vasil Bykaŭ. Doŭhaja daroha dadomu…», pryśviečanaja žyćciu i tvorčaści biełaruskaha piśmieńnika i Dniu ŭsienarodnaj pamiaci achviar Vialikaj Ajčynnaj vajny, adkryłasia siońnia ŭ Ministerstvie zamiežnych spraŭ, paviedamili ŭ pres-słužbie źniešniepalityčnaha viedamstva.
Vystava zasnavanaja na apošniaj pryžyćciovaj knizie piśmieńnika i ŭjaŭlaje saboj litaraturna-dakumientalny prajekt Dziaržaŭnaha muzieja historyi biełaruskaj litaratury.
Namieśnik ministra zamiežnych spraŭ Alena Kupčyna, adkryvajučy ekspazicyju, adznačyła, što imia Vasila Bykava viadoma nie tolki ŭ Biełarusi, ale i daloka za jaje miežami. Jaho tvory, pryśviečanyja Vialikaj Ajčynnaj vajnie, zajmajuć asablivaje miesca ŭ biełaruskaj i zamiežnaj litaratury, pierakładzieny na 52 movy śvietu.
U svaju čarhu dyrektar Dziaržaŭnaha muzieja historyi biełaruskaj litaratury Lidzija Makarevič raskazała, što pieršaja (jašče pryžyćciovaja) vystava, pryśviečanaja Vasilu Bykavu, mieła nazvu — «Hołas Bykava čuje ŭvieś śviet». «Simvalična, što mienavita jana pasłužyła asnovaj dla ciapierašniaj ekspazicyi, haściami jakoj stali šmatlikija pradstaŭniki roznych krain śvietu», — dadała jana. Pavodle słoŭ Lidzii Makarevič, asablivuju kaštoŭnaść siarod ekspanataŭ ujaŭlajuć materyjały, pieradadzienyja ŭ muziej asabista piśmieńnikam i jaho žonkaj, a taksama šmatlikija fatahrafii miaścin u Biełarusi i za miažoj, ź jakimi źviazany žyćciovy šlach viadomaha piśmieńnika.
U cyrymonii adkryćcia vystavy ŭziali ŭdzieł ministr zamiežnych spraŭ Uładzimir Makiej, kiraŭniki dypłamatyčnaha korpusa, akredytavanaha ŭ Biełarusi, i inšyja hości.
«Ja pryjechała ŭ 4:50 i była ŭ čarzie 77-ja». Jak ryełtarka nabyvała dla siabroŭki kvateru ŭ elitnym ŽK Minska9
Kamientary