Zbornaja Vienhryja pakazała ŭsio, što mahła, u matčy ź Bielhijaj, ale hetaha kazałasia niedastatkova dla vychadu ŭ čverćfinał. «Usio, što mahła» — heta pieradusim nastroj na hulniu, bo kłas bielhijcaŭ byŭ našmat vyšejšym.
Bielhija adkryła lik užo na pačatku hulni. Na 10-j chvilinie paśla naviesa z fłanha adznačyŭsia abaronca Tobi Ałderviejrełd.
Bielhijcy dazvalali supierniku kantralavać miač, ale nanosili streły ŭ adkaz u imklivych kontratakach. Najlepšym vyhladaŭ Eden Azar, spynić jakoha ŭdavałasia tolki z parušeńniem praviłaŭ. Niekalki razoŭ Vienhryju vyratavaŭ Habar Kiraj — toj samy varatar u śmiešnych štanach.
Adnak da kanca hulni vienhram nie chapiła siłaŭ. Na 78-j i 80-j chvilinach Azar zrabiŭ dva hały. Spačatku vykaciŭ miač pad udar Mišy Bačuaju, jaki zabiŭ litaralna praz chvilinu paśla vychadu na zamienu. A ŭ nastupnaj atacy Azar efiektnym udaram pastaviŭ kropku sam.
Narešcie, u kampiensavany čas zabiŭ Janik Karaska. 4:0 — samy bujny lik na hetym čempijanacie.
Vienhram zastajecca padziakavać pa ŭdały vystup na Jeŭra — jany i tak skočyli vyšej za hałavu.
A bielhijcaŭ čakaje čverćfinał z Uelsam, a paśla, mahčyma, paŭfinał z Partuhalijaj ci Polščaj.
Z takoj hulnioj, jak u matčy ź Vienhryjaj, bielhijcam nie budzie strašny nivodzin supiernik.
Bulba-fitnes: biełarusy pakazvajuć u sacyjalnych sietkach, kolki bulby vykapali sioleta5
Bulba-fitnes: biełarusy pakazvajuć u sacyjalnych sietkach, kolki bulby vykapali sioleta
Hrodzienskaha padletka adpravili ŭ škołu ŭ Litvu — jon vyvučyŭ litoŭskuju i ciapier pierakładaje ŭ Jeŭraparłamiencie. Pierakładaŭ jon i Cichanoŭskich3030
Kamientary