Patryjaršaja kamisija pa pytańniach siamji, abarony maciarynstva i dziacinstva zajaviła, što papraŭka ab kryminalnym pakarańni za paboi ŭ dačynieńni da svajakoŭ supiarečyć vučeńniu pravasłaŭnaj carkvy. U zajavie RPC havorycca, što śviatoje pisańnie i Śviataja Tradycyja «razhladajuć mahčymaść razumnaha i luboŭnaha vykarystańnia fizičnych pakarańniaŭ u jakaści nieadjemnaj častki ustanoŭlenych samim Boham pravoŭ baćkoŭ».
Na dumku RPC, papraŭka «nie maje maralnych apraŭdańniaŭ i jurydyčnych padstaŭ, pa svaim źmieście nakiravanaja suprać siamji i pryniataha ŭ rasijskaj kultury razumieńnia pravoŭ baćkoŭ, dyskryminacyjnaja, supiarečyć asnoŭnym pryncypam razumnaj dziaržaŭnaj siamiejnaj palityki i nie ŭličvaje tradycyjnyja siamiejnyja i maralnyja kaštoŭnaści rasijskaha hramadstva».
RPC adznačyła, što maje na ŭvazie tolki takija fizičnyja pakarańni, jakija nie robiać škody zdaroŭju dziaciej:
«Nie vyklikaje nijakich sumnievaŭ, što dzieci pavinny być abaronienyja ad sapraŭdy złačynnych dziejańniaŭ, kim by jany ni ździajśnialisia, asabliva kali havorka idzie pra złačynny hvałt. Adnak niama nijakich realnych padstaŭ dla taho, kab pryraŭnoŭvać da takich złačynnych zamachaŭ razumnaje i ŭmieranaje ŭžyvańnie lubiačymi baćkami ŭ vychavańni dziciaci fizičnych pakarańniaŭ».
U kancy červienia Dziaržduma RF pryniała zakonaprajekt, zhodna ź jakim za paboi, što nie paciahnuli škody zdaroŭju i vykananyja ŭpieršyniu, buduć pryciahvać tolki da administracyjnaj adkaznaści. Razam z tym zachoŭvajecca kryminalnaje pakarańnie za paboi, naniesienyja svajakam, a taksama za paboi pa matyvach nianaviści i z chulihanskich namieraŭ.
4 lipienia papraŭki padpisaŭ prezident RF Uładzimir Pucin. Namieśnik staršyni kamiteta Savieta Fiederacyi pa kanstytucyjnym zakanadaŭstvie Alena Mizulina nazvała papraŭki «antysiamiejnymi» i supiarečnymi Kanstytucyi. «Usio heta lehalizuje juvienalnuju justycyju, to bok nieabhruntavanaje ŭmiašańnie ŭ siamiejnyja spravy», — ličyć Mizulina.
-
«Kamuści tut treba dać try aplavuchi». Fica vykazaŭsia pra padletka, jaki nie pacisnuŭ ruku prezidentu Słavakii
-
Patrušaŭ zajaviŭ, što Ukraina i Małdova mohuć «spynić isnavańnie», a pieramovy pa Ukrainie pavinny vieścisia z ZŠA bieź ES
-
Pryncesa Uelskaja Ketryn paviedamiła, što ŭ jaje pačałasia remisija
Hetaja dziaŭčyna vyjšła ŭ centry Hrodna z płakatam «Nie vajnie». Jana raskazała, što pieražyła paśla6
Kamientary