Traktaryst, jaki ratavaŭ ludziej ad patopu: «Spačatku mnohija hladzieli jak na durnia, jaki jeździć pa praśpiekcie i haniaje chvali»
«Radyjo Svaboda» parazmaŭlała ź Vitalom Barysavym, jaki na traktary ratavaŭ ludziej ad navalnicy.
U sacsietkach stała papularnym videa, dzie kiroŭca traktara dapamahaje ludziam vybracca z akružannaha vadoj prypynku. Vitalu 25 hod, jon žyvie za horadam i pracuje ŭ «Remaŭtadory» Pieršamajskaha rajonu. Za styrnom takoj techniki ŭžo piać hod.
Vital kaža, što takim čynam vyviez 4-ch čałaviek. Načalnik pabačyŭ, što traktaryst dapamoh adnoj dziaŭčynie i dazvoliŭ pieravieźci dvaich astatnich. Jašče adnamu chłopcu Vital dapamoh paśla taho, jak toj źviarnuŭsia sam — spaźniaŭsia na pracu. Sietkavuju papularnaść načalstva pakul nie adznačyła ci nie zaŭvažyła.
— Jak reahavali ludzi?
— Pa-roznamu. Ahułam, mianie adpravili na płošču Kalinina, tam pracavała kanalizacyja, ale nie spraŭlałasia. I ja razhaniaŭ vadu.
Tamu mnohija hladzieli jak na duračka, jaki jeździć pa praspekcie i haniaje chvali. Niechta zdymaŭ na videa ci prosta nie zaŭvažaŭ, bo dumaŭ, jak by dabracca dadomu.
— Dyk ty niekatorym i dapamoh. Jak jany pastavilisia da takoj «pasłuhi»?
— Vielmi nie čakali takoj prapanovy. Ale doŭha ŭhavorvać nie daviałosia:) Kaniečnie, usie dziakavali za dapamohu paśla.
— A kudy, darečy, advodziŭ?
— Da suchich miescaŭ — metro albo pierachody.
— Ahułam, jak pracavałasia ŭ takuju navalnicu?
— Davoli viesieła. Bo ja razumieŭ, što kiruju adnym ź niešmatlikich vidaŭ transpartu, jaki moža pieraadoleć takuju stychiju.
Ciapier čytajuć
Ryta Dakota ŭpieršyniu raspaviała, za što biełaruskija siłaviki schapili jaje maci ŭ 2022 hodzie4
Ryta Dakota ŭpieršyniu raspaviała, za što biełaruskija siłaviki schapili jaje maci ŭ 2022 hodzie
«Ź piaci varyjantaŭ try kvatery zdavalisia tolki hramadzianam Biełarusi». Rasijanie pierajechali ŭ Homiel paśla ataki USU na Bransk — što ich dzivić?3232
Kamientary