Nie mienš za 45 tysiač čałaviek byli zatrymanyja, zvolnienyja abo adchilenyja ad pracy tureckimi ŭładami paśla niaŭdałaj sproby vajskovaha pieravarotu.
Siarod ich, akramia vajennych i palicejskich, apynulisia nastaŭniki, dekany univiersitetaŭ i žurnalisty, jakich tureckija ŭłady ličać niedastatkova łajalnymi prezidentu Redžepu Taipu Erdahanu.
Usiaho zvolnienyja kala 15 tysiač nastaŭnikaŭ i vykładčykaŭ, paŭtary tysiačy dekanaŭ, amal 9 tysiač supracoŭnikaŭ ministerstva ŭnutranych spraŭ, paŭtary tysiačy supracoŭnikaŭ ministerstva finansaŭ i kala 250 supracoŭnikaŭ ofisa premjer-ministra.
Taksama zatrymanyja kala 6 tysiač vajskoŭcaŭ, zvolnienyja 9 tysiač palicejskich i adchilenyja ad pracy 3 tysiačy sudździaŭ. Ułady śćviardžajuć, što jany padtrymlivali prapaviednika Fietchułu Hiulena, jakoha ŭ Ankary ličać mahčymym arhanizataram buntu.
Sam Hiulen, jaki pražyvaje ŭ ZŠA, kateharyčna admaŭlaje svaju datyčnaść da hetych padziejaŭ. Tym nie mienš tureckija ŭłady patrabujuć jaho ekstradycyi na radzimu i nazyvajuć jaho lidaram «terarystyčnaj arhanizacyi».
Ciapier čytajuć
Łukašenka raskazaŭ pra zabojstva apazicyjaniera, jakoje nibyta adbyłosia try dni tamu18
Kamientary