Jarmošyna: Kancert Volskaha na pikiecie Łahvinca — surjoznaje parušeńnie
Sumiaściŭšy pikiet pa zbory podpisaŭ za svaje vyłučeńnie kandydatam u deputaty parłamientu z kancertam Lavona Volskaha, Aleś Łahviniec parušyŭ vybarčaje zakanadaŭstva. Tak kamientuje žurnalistam piatničnaje mierapryjemstva na pikiecie namieśnika staršyni Ruchu «Za svabodu» Łahvinca staršynia Centrvybarkama Lidzija Jarmošyna.
Jarmošyna: «Zaraz pikiety – jakija muzykanty? ja nie zrazumieła? Zbor podpisaŭ idzie – nijakaj ahitacyi. Nijakich muzykantaŭ nie pavinna tam być. Vy zaraz kažycie pra toje, što tam viałasia aktyŭnaja pieradvybarčaja ahitacyja. Jeść, mahčyma, niejkija patrabavańni, ja prosta nie viedaju, nakont hukavoha režymu. Jość ža paradak praviadzieńnia masavych mierapryjemstvaŭ i jakaja padčas hetaha moža padklučacca ŭzmacnialnaja aparatura. Tak što, davajcie raźmiažujem: zbor podpisaŭ — heta adno, a muzyka i razmovy ŭ miehafon, doŭhija i hučnyja — zusim inšaje».
Pa słovach Jarmošynaj, inicyjatyŭnaj hrupie Alesia Łahvinca pavinna być vyniesienaje papiaredžańnie. Nahadajem, kancert Lavona Volskaha ŭ miežach pikietu pa zbory podpisaŭ u padtrymku vyłučeńnia kandydatam u deputaty Alesia Łahvinca prajšoŭ u staličnym mikrarajonie Sucharava 27 lipienia.
Ciapier čytajuć
Prapahanda rychtuje hramadstva da zahadkavaj «praciahłaj kamandziroŭki» Łukašenki39
Kamientary