Viadoŭca ANT zadaŭ try pytańni nakont situacyi na Biełaruskaj AES
Zdareńnie na Biełaruskaj AES stała temaj dla hutarki ŭ prahramie «Kontury» na telekanale ANT.
Jak paviedamlałasia raniej, zdareńnie adbyłosia jašče 10 lipienia. Viadoma pra jaho stała ź internet-sajta Abjadnanaj hramadzianskaj partyi. Paviedamlałasia, što z vyšyni dvuch ci čatyroch mietraŭ na budaŭnictvie AES zvaliŭsia reaktar.
Aficyjny kamientar ad Minenierha źjaviŭsia tolki 26 lipienia. U im paviedamlałasia, što «niaštatnaja situacyja adbyłasia na placoŭcy zachoŭvańnia korpusa reaktara pry praviadzieńni takiełažnych rabot pa jaho pieramiaščeńni ŭ haryzantalnaj płoskaści».
U suviazi z hetym viadoŭca prahramy «Kontury» Illa Kołasaŭ zadaŭ try pytańni.
«Pieršaje. Čamu padobnaje tłumačeńnie źjaviłasia pa skančeńni bolš čym dvuch tydniaŭ paśla incydentu? Druhoje. Čamu reakcyja Minenierha adbyłasia nie na sam incydent, a na paviedamleńni niekatorych internet-krynicaŭ? A kali b nie było hetych paviedamleńniaŭ, to i reahavać nie treba?», — ahučyŭ prablemu televiadoŭca.
Trecim pytańniem jon pacikaviŭsia, chto budzie prymać rašeńnie nakont dalejšaha chodu rabot. Pa słovach Kołasava, padradčyk zacikaŭleny zdać abjekt, nie adchilajučysia ad hrafika. Televiadoŭca pieraściaroh: «Padradčyk pryjechaŭ i źjechaŭ, a biełarusam z hetaj stancyjaj žyć. I značyć, uspaminajem žaleznaje praviła: svaju biaśpieku nie daviarajem nikomu».
Jon vykazaŭ nadzieju, što Minenierha daść adkazy na hetyja pytańni.
Ciapier čytajuć
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie5555
Kamientary